Gazte ikaragarriak
Bertsolarri lelopean, izuaren gaua antolatu zuten 7Katu gaztetxekoek Bertso Erronda txapelketako finalari ongietorri beldurgarria egiteko. Heriotzarekin lotutako mozorroak, armiarma-sareak hormetan behera, soinu misteriotsuak... bederatzi finalista gazteek panorama hori aurkitu zuten agertokira igo eta berehala. Gaitzerdi, beraiek ere mozorrotuta etorri ziren.
Publikoa ez zen ikaratu, nonbait, gaztetxea lepo bete baitzen bertsolariak entzuteko. Entzule gehien-gehienak gazteak ziren, eta hainbat euskalki zebiltzan airean (ai, ikasleen ostegunak!). Bilbon ez dela euskararik entzuten? Hori dioena ez zen Bertso Errondako publikoaren artean egon.
Eta zer esan saioaren inguruan, txapelketa serioagoen zurruntasunetik ihesi irudimenaren eta freskotasunaren gorazarrea izan zen. Bederatzi bertsolari gazte (hamar sailkatu ziren, baina Ane Peñagarikanok huts egin zuen), albokoei ziria sartzeko prest beti, bertsoaren mugak apurtu eta ondo pasatzeko asmoz. Ia hiru orduko saioa ziztu bizian pasatu zen.
BERTSO ERRONDAKO FINALA
Noiz: otsailak 28
Non: Bilboko 7Katu gaztetxean
Hasteko, agurrak binaka abestu zituzten, kanta ezagunetako doinuak erabilita, bertsotik baino performance-tik gehiago zuen estiloan. Ondoren, binaka berriz, kanporaketak hasi ziren. Ariketa arraroak agindu zizkioten bikote bakoitzari, eta huts egiten zuena, hilobira. Hitz debekatuak, errima amaiezinak, beste norbait belarrira hizketan zutela kantatu beharra... denetariko trabak gainditu behar izan zituzten.
Ofizioka ere aritu ziren gero, adar-jotze giroari eta umoreari uko egin gabe. Nor da nor jokoan, aldiz, entzuleak protagonista bihurtu ziren, baten baino gehiagoren lotsagarri. Izuaren gau hartan ezin ziren berpiztutako hildakoak falta, eta epaileek Iraitz Mateori eta Ander Anakaberi beste aukera bat eman zieten. Azken hori, gainera, buruz burukora heldu zen. Publikoaren idolo bihurtu zen Anakabe, batez ere kopletan Chanquete-ren doinua atera ezinik aritu zenean.
Buruz burukoan, komunean eserita kantatu zuten Unai Mendiburuk eta Ander Anakabek. Algara eta irrietarako zegoen giroa, bertsotarako baino gehiago. Baina Mendiburuk ondo eutsi zion presioari. Merezita irabazi zuen Bertso Errondako finala. Ariketa guztietan eroso, zorrotz egon zen, eta besteek baino bertso biribilagoak bota zituen. Hala ere, gainerako finalisten lana ere gogoratu behar dugu: Paule Loizaga, Urko Arregi, Aissa Intxausti, Kerman Diaz, Asier Alcedo, Iraitz Mateo, Ander Ucelay eta Ander Anakabe.
7Katu gaztetxeko izuaren gauak ezusteko atsegina ekarri zigun: bertsolari gazteak euskaraz sortzen eta publiko gaztea euskaraz ondo pasatzen. Mozorroak eta dekorazioa beldurgarriak izan ziren, bai; baina gazteen lana bai ikaragarria!
Azaroaren 1ean Agoitzen jokatuko den finalaurrekorako txartel zuzena eskuratu du Etxarri Aranatzeko bertsolariak. 120 bat bertsozale bildu dira Aurizko Kultur Etxean, txapelketako lehen saioa bertatik bertara jarraitzeko.
Mungiako Olalde aretoan jokatu da Bizkaiko Bertsolari Txapelketako lehenengo faseko hirugarren saioa. Saioa irabaztearekin bat, finalaurrekoetara sailkatu da Mendiburu.
24 bertsolarirekin ekingo dio bideari Nafarroako Bertsolari Txapelketak. Auritzen izango da, urriaren 4an; eta, lehen aldiz, Nafarroa Arenan izango da finala, azaroaren 29an. Saio guztietarako sarrerak salgai daude dagoeneko, Bertso Sarrerak atarian.
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]