Emakumeak borrokan

Beltzaren kolore guztiak

  • Anestesia eta No Regret taldeen kontzertuaren kronika. Noiz: Urriaren 20an. Non: Gasteizko Gaztetxean.
    Gorrotoaren Ahotsa 25 urte birako hurrengo kontzertuak: Abenduaren 1ean Iruñean, abenduaren 8an Durangon eta urtarrilaren 19an Miarritzen.

Jon Aranburu Artano @jonaranburu
2018ko azaroaren 25a
Argazkia: Dos Por Dos.

Ez da askotan gertatzen Gasteizko Gaztetxean kontzertu baten sarrera guztiak saltzea; are gutxiago kontzertua izan baino egun batzuk lehenago. Salbuespenak badaude baina: No Regret eta Anestesia. Eta errudun nagusiak, No Regretek ere kuadrilatxoa eraman zuen arren, zarauztarrak izan ziren. Ez daramatzate alferrik 30 urte taula gainean, tarteka isildu badira ere, jakina den moduan.

30 urte doinu zakarren entzule ez ohituarentzat musika bera egiten. Baina, behin Anariri entzun nion berari Madonnaren disko guztiak berdinak egiten zitzaizkiola, ez zizkiolako azaleko entzunaldi batzuk baino gehiago eskaini, ez zelako zalea. Beste aldean dago Mikel Kazalisek kontzertu ondorenean kontatu zidana: hasieretako zale batzuei Anestesiaren bigarren maketa ahula iruditu zitzaiela, “tupatupa” gutxi zegoelako; aldaketa handiegia egin omen zuten.

Belarriak zorroztu, eta Anestesiaren lanetan beltz asko nabaritzen dira; hardcore, grindcore, crustcore, trash, metal eta beste hainbat abizen jarri ahal zaizkio Kazalis-Beloki-Aizpurua oinarriari. Zuririk ez, ezta izpirik ere. Ezta zurikeriarik ere hitzetan: gorrotoa, haserrea, mina, oldarkortasuna, garraztasuna, nazka ta beste hainbat giza sentimendu ez positibo hartzen ditu ahotan Ibon Aizpurua abeslari/oihulariak.

Horrexen erakustaldia, hitzaren zentzu denetan, izan zen Gaztetxe leporaino betean ikusi ahal izan genuena. Ordu eta erdi eskasean, bira hau egiteko aitzakia nagusia den Gorrotoaren Ahotsa lana osorik jo zuten. Eta gero, gerokoak: zortzi diskoetako kantuak aletu zituzten zaleon gozamenerako. Batari Drogak eta Biolentziak, besteari Ultrakomunikatzenek, eta hirugarren bati Erantzunek laztuko zion ilea. Lehenengo kantutik aurreneko ilaretan saltoka zebiltzanei, azkenerako 450 lagunok batu gintzaizkien pogo erraldoi moduko batean.

Nabari zen festa giroa, ospakizunerako gogoa. Eta halaxe azpimarratu zuen Kazalisek behin eta berriz mikrofonotik: euren 30. urteurrena, diskoaren 25.a, eta Gaztetxearen beraren, Hala Bediren, Errekaleorren eta Auzolana Pilotalekuaren urteurrenak batera ospatzeko festa zela hura. Eta ospatu genuen, majo egin ere.

No Regret taldekoak aurretik aritu ziren, bigarren plateraren gose zeudenei apetitua baretzen. Eta lortu zutelakoan nago. Bi lan dituzte kalean, eta eurek ere beltz jotzen dute, Anestesiak baino metal kutsu handiagoz, nire irudipenerako, baina hardcore abizeneko. Ez dira alferrik gero eta fruitu gehiago ematen ari den Gasteiz Hard Core Crew-ko kide.

Kontzertua amaitu zenerako, elastiko gehienak (beltz klase guztietakoak) blai eginda zeuden. Muinoko Hotsakeko lagunek, ordea, musika aukeraketa ezin hobea egin zuten segidarako, eta nahi izan zuenak hantxe jarraitu zuen. Hori, baina, ez dizuet kontatuko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kontzertuak  |  Gasteiz

Kontzertuak kanaletik interesatuko zaizu...
2019-04-09 | Topatu.eus
EHZ festibaleko lehen musika taldeak iragarri dituzte

Iseo & Dodosound, Oihaneko Zühainetan, Gari & Maldanbera, Koban, Broken Brothers Brass Band eta Montauk izango dira ekainaren 28tik 30era Irisarrin eginen duten jaialdia. Sarreren aurresalmenta martxan jarri dute jada, eta gazteei laguntzaile gisa joateko deia egin diete.


Fresko eta arina

Aspalditik badabil Euskadiko Orkestra Sinfonikoa saiakerak egiten herritarrei, oro har, eta gazteei, bereziki, musika klasikoa gerturatzeko. Asmo honekin ziklo berezi bat du orkestrak, Musika Gela izenekoa hain zuzen ere. Gaztetxoei zuzendutako ziklo honetan saio labur eta didaktikoak aurkitzen ditugu, eta bakoitzean musikaren arlo berezi bat eta ikuspuntu konkretu bat lantzen da.

Aldi honetan, nahiz eta egitarau interesgarria ekarri Euskadiko Orkestrak, jende gutxi ikusi genuen Principal... [+]


Bortxaren xarma

Gasteizko Jimmy Jazz aretoa ohi baino ilunago dago, beltz. Olana batek laguntzen du belztasun hori sakontzen. Eszenatoki gaineko fokuek bakarrik argitzen dituzte Vulk-eko taldekideak eta momentu batetik bestera, oholtza, boxeo ring bilakatu da.


2019-03-31 | Andrea Zubozki
Ólafur Arnalds eta bere mamuak utziz

Atabal gelak gomitaturik, Ólafur Arnalds islandiar piano-jotzaileak kontzertu intimoa eman zuen martxoaren 9an, Biarrizko Gare du Midi aretoan.


2019-03-27 | Amaia Fernández
Arteak Ireki
MULTIMEDIA - ekitaldia

Martxoaren 23an, Arteak Ireki taldeak sustatuta, musikari eta kulturgileak herri askotan kalera atera ziren, Eusko Jaurlaritzaren kultur emanaldiak murrizten dituen dekretuaren kontra daudela esateko.


2019-03-26 | ARGIA
EHZ festibala Irisarrin egingo da aurten

Euskal Herria Zuzenean jaialdiaren aurtengo edizioak bazuen data dagoeneko: ekainaren 28tik 30era. Tokia, aldiz, zehaztu berri dute: Irisarrin (Nafarroa-Beherea) ospatuko dela jakinarazi du antolakuntza taldeak.


Artea irekita

Mundu honetan mugarik ezagutzen ez duen bakarra kapitala dela dirudi. Gainerako kontuentzat araudi, kontrol, debeku eta zentsura neurriak non-nahi eta nolanahikoak dira. Ikuspegi honen beste lagin bat erakutsi du Eusko Jaurlaritzak azken egunotan: urtean 12 kultur emanaldi egiteko muga ezarri nahi zien taberna eta areto txikiei.


Aurrekontu txikia, talentu handia

Ematen du Donostian opera-denboraldia Musika Hamabostaldiarekin lotuta dagoela, jaialdi honetan bai betetzen delako Kursaal Auditorioa opera bat programatzen denean. Hortik aparte, urtean zehar Opus Liricak egindako saiakeretan jende gutxi ikusten dugu. Pena ikaragarria da, eta ulertezina. Benetan txalogarria da Opus Lirica elkarteak egiten duen esfortzua. Titulu ederrak eskaintzen ditu, bakarlari eraginkorrak ere bai, eta eszenaratze erakargarriak taula gainean jartzen dituzte. Orduan, zer... [+]


'Kontzertu agustikoa', Arrastoak ekimena
Arrastoa utziz

Otsailak 21, osteguna, arratsaldeko zazpiak. Nabarreria plazan eserita zerbeza bat edateko giroa, aldaketa klimatikoaren udaberri aurreratua aprobetxatzeko gogoa. Hala ere, jendea tantaka baina etengabe sartzen ari da Zabaldiko Kalaska gelara. "Zatoz zure lagun feministekin", hala zion gonbidapenak. Nabari da, martxoaren 8a hurbil dago eta aisialdiko eskaintza feminista hazi egiten da garaiotan. Arrastoak, ordea, geratzeko sortu omen den ekimena da, hilabetero iluntze feminista bat... [+]


2019-02-27 | ARGIA
Redstone Replay musika festibal berria egingo dute Ondarroan apirilean

Euskal Herriko musikari erreferentzialez beteriko kartel batekin, Redstone Replay musika festibal berria aurkeztu dute Ondarroan. Apirilaren 27an herriko Beikozini aretoan egingo den jaialdirako egitarau zabala prestatu dute.


ASTEKARIA
Azkenak
EGILEA
Eguneraketa berriak daude