Ahots gozoaren indarra

  • Izarok eta bere bandako kideek irailaren 23an emandako kontzertua, Bilboko Kafe Antzokian. Om diskoa aurkezteko birako lehenengoa.

Dabi Piedra
2016ko urriaren 23a
Galder Perez

Aspaldi ez zela hain urduri egon aitortu zien Izaro Andresek entzuleei, Kafe Antzokian emandako kontzertuan. Ez zen gutxiagorako, izan ere, Mallabiko abeslari gazteak lehenengo diskoa, Om, argitaratu berri du eta Bilboko ostiral gau hartan aurkeztu zuen zaleen aurrean. Hala ere, erronkari bikain heldu zion eta kontzertu ederra eskaini zuen, duen ahots indartsu eta era berean gozoaren erregistro guztiak erabilita.
    Eskarmentu handiko hiru musikari izan zituen Izarok alboan: Iker Lauroba gitarran eta teklatuetan, Ane Bastida baxuan eta Oriol Flores baterian. Om plazaratu arte, mallabiarra bakarlari ibili izan da beti eta bere burua kantautoreen estilotik hurbil kokatzen du, horretarako gaitasuna badu eta. Baina hiru musikarien ekarpenak modu dotorean jantzi zuen emanaldia.
    Ilunetan, musikaren laguntzarik gabe eta lasai ekin zion Izarok emanaldiari, Argia kantarekin. Pixkanaka, ahotsaren potentzia igotzen hasi zen eta lehenengo abestia amaitu orduko garbi geratu zen zertarako gauza den. Ahotsaren kolore guztiak landu zituen, pasio biziko kantaerarekin. KoiLarak ere, barru-barrutik irtendako indarrez biribildu zuen. Izaroren ahotsa aldi berean izan daiteke gozoa eta indartsua, iradokitzailea eta irmoa. Bakarlari handienen pare ibili eta gero, ingelesez abestu zuen beste abesti bat, pop-rock estilora gehiago lerratuta eta entzuleek gustura txalotu zuten.
    Hiru hizkuntzatan abesten du Izarok eta, hala, espainolezko La vi-ren txanda izan zen gero. Berriro doinu motelagoak. Espainiako kantautoreen oihartzuna nabaria izan zen kontzertu osoan, erritmoetan zein hitzetan. Ondoren, gaueko nobedadeetako bat izan zen Zangalatraba, ordura arte ez baitzuen inoiz zuzenean jo. Izaroren izena musikaren munduan ezagun egin zuen Paradise ere ez zen falta izan errepertorioan. Bidaia batera gonbidatu zituen Izarok entzuleak. Istorio bakarraren parte balira legez harilkatu zituen abesti guztiak, kanten artean taldekideek errezitatu zituzten pasarte laburrei esker.
    Kontzertu atsegina zen, entzuleak pozik baina hotz samar, eta diskoa argitaratzeko crowdfunding-ean lagundu diotenei bihotz formadun gozokiak ere banatu zizkien Izarok. Eta bat-batean, ia ezustean, gauak goia jo zuen, Tu escala de grises abestiaren interpretazio zirraragarriarekin. Kanariar Uharteetatik heldutako kantautorea bailitzan, demagun Rosana indarberritu bat, erritmo tropikalen menpe jarri zuen Kafe Antzokia. Ahots jostalari baina sendoz, eztanda egitear den sumendiaren pare agertu zen Izaro. Kanta amaitzeko, lau taldekideek jo zuten perkusioa, entzuleak zoroen pare txaloka eta oihuka jartzeraino.
    Beharbada egia esan zuen Izarok eta urduri egon zen Bilbon, baina ahotsak, behinik behin, ez zion dardararik egin. Mallabiarrak ahots pribilegiatua duela ezin da ukatu, erakustaldia eman baitzuen Kafe Antzokian.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kontzertuak  |  Bilbo  |  Kantagintza

Kontzertuak kanaletik interesatuko zaizu...
Musika Hamabostaldia: nire hautaketa

Abuztuaren 3an hasiko da aurtengo Musika Hamabostaldiko edizioa. Beraz, egun gutxi gelditzen zaigu erabakitzeko zein kontzertutara joango garen. Saio asko, estilo ezberdinak izango ditugu abuztuan zehar, eta arrazoi mila bata edo bestea aukeratzeko. Horrexegatik lerro hauen bidez, lagungarria izateko asmoarekin, ziklo bakoitzetik kontzertu bat gomendatuko dizuet. Halere, nire gomendioak jarraitu edo ez jarraitu, gerturatu zaitezte Musika Hamabostaldira. Ez zarete damutuko.

Kursaal... [+]


2018-07-22 | Andrea Zubozki
Olerki paganoak

Björk musikari islandiarrak 2007an Bilboko Guggenheim museoaren kanpoaldean emandako kontzertuaren kronika.


Fauna publikoa
Kanpolarrosa festival

Asteburu osoa pasa dut BBK Live jaialdiaren txioak ikusten festibalaren kontu ofizialean eta, dirudienez, Euskaraldiarekin gure hizkuntza normalizatzeko sortzen ari den kolorinetako kontsentsua ez da Kobetamendira iritsi.


2018-07-16 | Nahia Ibarzabal
ETBk gaztelaniaz eskaini ditu umeentzako tailerrak "Play 'N' kids" jaialdian

BBK Livek umeentzat antolatutako ekitaldia, larunbatean ospatu da Bilboko Areatzan.


2018-07-15 | Malen Aldalur
Ongarri bihurtuta datoz

Konpost taldearen kontzertuaren kronika. Kalea guztiona da horma marrazteko ekintzaren baitan. Uztailaren 6an, Zumaian.
Hurrengo mural pintaketak: uztailak 13, ostirala, Grace of Dionysus taldearen disko berriaren aurkezpena.
Uztailak 21, larunbata, Son. Lt doinu latino dantzagarriak.


2018-07-12 | ARGIA
Alfonso Gil zinegotziak BBK Live jaialdiaren albo kalteak konpontzeko promesa bete ez duela salatuko dute

Bilboko Altamira auzoko 'Guztientzat' auzo elkarteak deitu du mobilizazioa, BBK Live jaialdiaren lehen egunean. Makroekitaldiak gertuko auzoetan eragiten dituen kalteak eta Bilboko Udaleko Alfonso Gil zinegotziak horiek konpontzeko egindako “promes faltsua” salatuko dituzte.


2018-07-11 | ARGIA
BBK Live jaialdiak inguruko auzoetan eragiten dituen arazoentzat irtenbidea eskatu dute auzotarrek

Agindutakoaren kontrara, Bilboko Udaleko Mugikortasun eta Jasangarritasun sailak arazoei konponbiderik ez diela eman jakinarazi du Altamirako ‘Guztientzat’ auzo elkarteak.


Omenaldi entretenigarria

Datorren abuztuaren 25ean, Leonard Bernstein jaio zenetik 100 urte betetzen dira, eta XX. mendeko musika-kultura amerikarraren erreferente izugarri honi omenaldia egiteko, Arriaga Antzokiak kontzertu-espektakulu ikusgarri bat antolatu zuen. Nire ustez, figura honen kalitate eta talentu miresgarriak ez dira  behar bezala goraipatzen, agian publikoak Bernstein lotzen duelako genero konkretu batekin, film musikalekin hain zuzen ere, kontutan hartu gabe konpositore honen produkzio oparo eta... [+]


2018-07-04 | ARGIA
BBK Live salatu du kontsumitzaile elkarte batek, kanpoko janaria sartzea debekatzeagatik

FACUA kontsumitzaile-elkarteak BBK Live festibala antolatzen duen Last Tour enpresa salatu du, ez duelako uzten kanpoko janaririk eta edaririk sartzen musika-jaialdia egiten den eremuan.


2018-07-03 | Antxeta Irratia
Psilocybe musika elkarteak 25 urte bete ditu

25 urte bere ditu Hondarribiko musika elkarteak, eta urteurrenaren ospakizunerako ikasturtean zehar hainbat kontzertu eta gaualdi antolatu dituzten arren,  Amutaldeko musika entsegu lokaletik atera eta kontzertu andana anolatu dituzte uda hontarako.


ASTEKARIA
Azkenak
EGILEA
Eguneraketa berriak daude