Jul Bolinagaren kantutegia oholtza gainean

  • Noiz: Ekainak 27. Arrasate (Monterron), 21:30ean

    Sarrera: Doan.

    Antolatzaileak: Jul Lagunak eta Arrasateko Udala

Iker Barandiaran @IkerBarandiara
2015eko ekainaren 14a

Jul Bolinaga arrasatearra oso gaztetatik hasi zen musikan eta iazko azaroan agertoki baten gainean bihotzeko batek eraman zuen artean, hala jarraitu zuen. Horregatik, lagun, senide, musikari kide eta bidaideek haren omenez antolatu duten kontzertuari Amaierarik gabeko ibilbidea izena jarri diote. Are gehiago, kontuan hartuta bere musika ondareak eta bere izateko moduak oraindik bizi-bizirik jarraitzen dutela, JULHN-E27 matrikula ere sortu dute, inoiz geldituko ez den ibilgailuarena.

Julek bere ibilbide konprometitua eta mundua aldatzeko zuen grina musikarekin azaltzen zuen. Hala, oso biografia luzea du: 1970eko hamarkada bukaeran, Txerra anaiarekin eta lagun batzuekin batera Doble Cero punk taldea sortu zuen; gerora, aldaketa batzuk medio, talde horrek RIP izena hartu zuen eta berorrek diskografia laburra badu ere, izugarrizko eragina izan zuen Euskal Herriko, Espainiako Estatuko eta beste atzerrietako punk giroan. Hainbeste, oraindik ere Euskal Herrian eta harago genero horretan izan den talde eraginkorrenetako bat izanik, belaunaldiz belaunaldi erreferentzia izaten jarraitzen duela. Era berean, 1980ko hamarkadan taldeak idatzitako hitz gordinek, tamalez, gaurkotasun handia izaten jarraitzen dute.

RIP taldeak ibilera gorabeheratsua izan zuen agertokietako presentziari dagokionez bigarren milurtekoan Karlos Mahoma Agirreurretaren heriotzarekin batera taldea betirako lurperatu zuten arte –aurretik 1990eko hamarkada bukaeran Eduardo Mancebo Portu baxu jotzailea hil zen–, baina RIPen etenaldi horietan guztietan Julek ez zion inoiz musikari egiteari utzi. Honako taldeetan parte hartu zuen, besteak beste: Diputación Coral, Los Pitxones, Txapelpunk, Teclas, The Kagas, The Meas, The Magnificent Seven, Karrocerias Betoño, Piztu Punk, Gipsy Voodoo Rednecks eta azken urtean The Potes. 

Arrasateko lagunek bihotzekoak eraman eta hiru egunetara agur ekitaldi hunkigarria egin zioten Jul lagunari, eta jende asko batu zen bertan. Baina haren heriotzak herrian eta herritik kanpo eragindako kolpeak eta jasotako elkartasun mezuek animatuta Arrasateko musikaria gogoratzeko ekimen gehiago egitea erabaki zuten; hala sortu zen Jul Lagunak ekimena. Eta lehen helburua izan zen musika egiteko moduagatik eta izateko era apalagatik iraganeko, egungo eta etorkizuneko hainbat gazteengan halako arrastoa utzi duen lagunaren omenezko kontzertu erraldoia egitea.

Arrasateko Udalarekin harremanetan jarri eta bien artean kontzertu-omenaldi berezia antolatu dute ekainaren 27rako Arrasateko Monterron parkean, eta aurtengo herriko San Juan jaiak luzatuz. Emanaldi berezi honetan Julen kantutegiaren lagin handi bat ikusi eta entzun ahal izango da, ezinezkoa baitzen kontzertu bakarrean guztia jasotzea. Besteak beste, RIP, The Potes, Karrocerias Betoño, Teclas eta Piztu Punk taldeen kantuak izango dira presente. Eta horretarako, Julek bidaide izan dituen belaunaldi ugaritako hainbat eta hainbat musikari igoko dira agertokira.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-02-19 | ARGIA
Donald Trump bakearen Nobel sarirako hautagaia dela baieztatu dute

Donald Trump AEBetako presidentea Nobel saria irabazteko hautagaia dela baieztatu dute. Norvegiako parlamentuko bi diputatu kontserbadorek aurkeztu dute haren hautagaitza eta beste 303 lagunekin lehiatuko da Trump.


Damaso Intzaren artxiboa
MULTIMEDIA - erreportajea

Iruñeko Kaputxinoen artxiboan izan gara, Damaso Intza Zeruko Argia aldizkariaren sortzailearen dokumentuak arakatzen. Bideo labur honetan bildu ditugu bertan egindako zenbait aurkikuntza.


Tren sozialaren alde kaleak bete dituzte Tafallan

Tren sozial baten alde! AHTrik ez! leloa zabaldu zuten, Erdi Aldea Trenaren Alde taldeak antolatuta.Trenbideak hobetuta, abiadura handikorik egin gabe, zerbitzu ona eman daitekeela argudiatu zuten.


2019-02-18 | Zero Zabor
GuraSOSek azaldu ditu Zubietan dioxinak jarraian kontrolatuko ez direla erakusten duten agiri ezkutuak

Zubietako erraustegiak ez ditu jarraian kontrolatuko bere tximiniak airera isuriko dituen kutsagai arriskutsuenak, bidenabar dioxinak eta furanoak. GuraSOSek prentsaurrean erakutsi ditu horren frogatzat erraustegiaren jabea den GHK eta datozen 35 urteetan kudeatuko duen Ekondakin Energia y Medio Ambiente enpresa taldeak sinatutako kontratua eta Eusko Jaurlaritzaren aurrean urtero bete beharko duten Ingurumena Zaintzeko Plana delakoa.


2019-02-18 | ARGIA
2018an 4.600 manifestazio egin dira EAEn, 2017an baino %13 gehiago

Gipuzkoan egin dute gehien gora manifestazioek, 2017an baino %27,6. Bizkaian %9 egin dute gora, eta Araban berriz, %5,3 behera.


2019-02-18 | ARGIA
Espainiako hauteskundeetarako "aldaketaren hautagaitza" osatzeko Barkosen proposamena airean da

Nafarroako Gobernuko lehendakariak ostiralean bertan proposatu zuen aldaketa sostengatzen duten lau alderdiak elkarrekin joatean apirilaren 28ko Espainiako hauteskunde orokorretara. EH Bilduk begi onez ikusi zuen aukera eta Ahal Duguk eta Ezkerrak atzera bota zuten proposamena.


2019-02-18 | ARGIA
Espainiako hauteskundeetarakoko "aldaketaren hautagaitza" osatzeko Barkosen proposamena airean da

Nafarroako Gobernuko lehendakariak ostiralean bertan proposatu zuen aldaketa sostengatzen duten lau alderdiak elkarrekin joatean apirilaren 28ko Espainiako hauteskunde orokorretara. EH Bilduk begi onez ikusi zuen aukera eta Ahal Duguk eta Ezkerrak atzera bota zuten proposamena.


2019-02-18 | ARGIA
Beltxarga arruntaren azken agurra

Gipuzkoako basozainen elkarteak eman du albistearen berri eta bideoan erakutsi digu. Beltxarga arrunt bat hilda aurkitu dute eta haren ondora gerturatu da maitalea azken agurra ematera. Basozainek twiterrez adierazi dutenez, beltxargen artean osatutako bikoteak bietako bat hiltzen denean banatzen dira normalean.


2019-02-18 | ARGIA
Langileen protesta artean hasi da Gipuzkoako Aldundiaren gobernantza-ereduari buruzko jardunaldia

Gipuzkoako Foru Aldundiak bultzatu duen Etorkizuna Eraikiz ekimenaren barruan, “Open minded governance for your future” (euskaraz “gogo irekiko gobernantza zure etorkizunarentzat”) izeneko jardunaldia egiten ari dira Tabakaleran. Ekitaldia hasi baino lehen hainbat langilek protesta egin dute eraikinaren barruan.


2019-02-18 | ARGIA
Gazte Koordinadora Sozialista aurkeztu dute Gasteizen

Aurkezpen ekitaldia Gasteizko Auzolana pilotalekuan egin zen igandean, otsailaren 17an, eta Gedar, langile kazeta webgunean azaltzen denez, "klase batasuna eta independentzia politikoaren aldeko aldarrikapenarekin aurkeztu dute sozialismoaren bidean ekarpena egiteko".

 


ASTEKARIA
Azkenak
EGILEA
Eguneraketa berriak daude