Euskararen Agenda Estrategikoa aurkeztuko du Eusko Jaurlaritzak
Eusko Jaurlaritzak legealdi honetarako (2013-2016) iragarritako hamalau Plan Estrategikoetatik bat da Euskararen Agenda Estrategikoa. Legealdiaren ia erdira iritsi garenean, Legebiltzarrean aurkeztu dute. Hamahiru lan-ildo, 34 ekimen eta 168 ekintza zehaztuta daude. Ez da hutsetik egindako Agenda. Marko nagusia Euskara 21. Itun berritu baterantz dokumentua da. Dokumentu hark XXI. mende hasierako hizkuntza politikaren oinarriak jaso zituen. Beste oinarria, Euskararen Aholku Batzordeak 2012an egin eta onartu zuen Euskara Sustatzeko Ekintza Plana da.
Legebiltzarrean egindako aurkezpenean EH Bilduk eta PPk Euskararen Agenda Estrategikoa kritikatu zuten. EH Bilduren ustez, halako agenda bat legealdi hasieran aurkeztu behar zen, orain propaganda kutsua baitu. Xabier Isasi legebiltzarkideak adierazi zuenez, Eusko Jaurlaritza ez da ari lortzen adostasunik hizkuntza politikaren gaian. PPko Iñaki Oiartzabalek ez du gustuko ez Agendaren norabidea, ez planteamendua, ezta bideratutako dirua ere.
PSE-EEren ahotik berriz, bi balorazio desberdin entzun dira epe motzean. Idoia Mendiak udan esan zuen diru gehiegi bideratzen zela euskara sustatzera. Legebiltzarreko aurkezpenean, aldiz, Jose Vicente Reyesek esan zuen, batetik, hizkuntza politikarako diru zakua aipagarria zela, eta bestetik, diru horren erabilera eraginkorrean jarri behar dela arreta.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.
Atzerapausoa. Horrela baloratzen du Euskalgintzaren Kontseiluak, hizkuntza auziari eta euskararen sustapenari dagokionez, Nafarroako Gobernu berria eratuko duten alderdi politikoek sinatu duten 2023-2027 legegintzaldirako akordio programatikoa.