Emakumeak borrokan

15.000 lagun Nafarroako Gobernuaren ehizaren kontra


Onintza Irureta Azkune @oirureta
2013ko abenduaren 29a
Labsindikatua.org

D ereduko irakasleek ETArekin zerikusirik daukaten ala ez, eta eskolako liburuetan “Nafarroako errealitate instituzionala” errespetatzen den ala ez. Bi gai horiek bururatu zaizkio orain Nafarroako Gobernuari eta temati ari da euskarazko irakaskuntzaren aurka, beste behin. D ereduko hainbat ikastetxe astindu du eta “intoxikazio kanpaina” salatu dute. Hegoalde, Amaiur, Iturrama eta San Frantzisko ikastetxeetako guraso elkarteek haien seme-alaben irakasleen lana defendatu dute. Guardia Zibilaren txostenak eskola publikoko D ereduko irakasleak jarri ditu jomugan. Irakasleok babesteko eta euskarazko irakaskuntzaren alde, hainbat eragilek deituta, manifestazioa egin zen joan den astean. Deitzaileen artean zeuden ELA, LAB, EILAS, Sortzen eta Ikasle Abertzaleak. 15.000 lagun atera ziren Iruñeko karriketara Hezkuntzan, kolore guztiak lelopean.

Nafarroako Gobernuaren bigarren adarra aipatu dugu: eskolako edukiak “Nafarroako errealitate instituzionalarekin” bat datozen aztertuko dute. Dena dela, ez da gauza berria, lehen ere egiten zuten, baita edukiren bat ilegaltzat jo ere (Euskal Herriko mapa agertzea ilegala da Nafarroako Gobernuarentzat). Hemendik aurrera behaketa zorrotzagoak egingo dituzte.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hezkuntza  |  Hizkuntza politika

Hezkuntza kanaletik interesatuko zaizu...
ASTEKARIA
Azkenak
EGILEA
Eguneraketa berriak daude