Varsoviako klimaren gailurra, hamaikagarren porrota

Goi bilera iraun bitartean justizia klimatikoaren lade egindako mobilizazio bat. (Arg: iicat.org)
Goi bilera iraun bitartean justizia klimatikoaren lade egindako mobilizazio bat. (Arg: iicat.org)

Karbono isurketaz adostasun esanguratsua espero zuenarentzat, Varsoviako klimaren goi-bilera porrota izan da, haren aurretik egindako guztiak izan diren bezala lorpen konkretuei dagokienez.

Oraingoan, Txina eta India izan dira estatu garatuen estatusa onartu nahi izan ez dutenak, estatus hori dutenei ordaintzea egokitzen zaie eta. AEB, Europa, India eta Txina dira munduko karbono isurketen %90 baino gehiagoren erantzuleak; horien ondoriozko klima aldaketak eragiten dituen hondamendiak, berriz, munduko estatu gehienek jasaten dituzte AEB eta Europa izan ezik (edo askoz ere eskala txikiagoan).

Estatu aberatsek gainerakoei esaten diete: “Ikusten duzue zer gertatzen den atmosferara karbono dioxido gehiegi isurtzeagatik?”. “Bai, baina egungo berotegi efektua zuek iragan mendean isuritakoaren ondorioa da”, erantzuten dute garapen bidean dauden estatuek.

Gaurko ekonomian, Iparraldeko estatu aberatsek Hegoaldeko estatu txiroetara eraman dituzte prozesu industrial zikinak, eta haien garapena zikintasunaren gainean eraikitzen ari da. Horren ondorio kaltegarriak (uholdeak, tifoiak, lehorteak) Hegoaldeko herriek jasaten dituzte batez ere.

Estatu aberatsak prest daude zerbait ordaintzeko isurketa iturriak Hegoaldean mantentzearen truke, eta interesatzen zaie horien artean Txina eta India egotea, ordaindu beharrekoa gehiagoren artean banatzeko.

Klima aldaketaren eraginez sortzen diren kalteek gero eta gizaki gehiagoren kontzientzia ukitzen dutenez, eta hori azaleratu egiten da Varsoviakoa bezalako batzarretan. Zoritxarrez, hondamendi natural gehiago eta handiagoak gertatu beharko dira hitzarmen praktikoetara iritsi ahal izateko.


Kanal honetatik interesatuko zaizu: Larrialdi klimatikoa
2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-24 | Nicolas Goñi
CO2a atmosferatik kentzeko ingeniaritza: lurra ustiatzen segitzeko aitzakia?

Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]


Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


Asfaltozko patioa zuhaitz eta landarez betetako zelai bihurtu dute Lizarrako eskolan

Jolastoki eta ikastetxeko sarrera zen asfaltozko 350 metro koadroak berdegune bihurtu dituzte Haur eta Lehen Hezkuntzako Remontival eskola publikoan, Lizarran. Landaturiko zuhaitz, zuhaixka eta landareek helburu dute, besteak beste, beroa eta hotza hobeto kudeatzea,... [+]


Artea suntsitzeko arrazoiak

Londres, 1914ko martxoaren 10a. Mary Raleigh Rochardson (1889-1961) sufragista eta WSPUko kidea National Galleryra sartu zen, soinekoan laban bat gordeta zuela. Diego Velazquezen Ispiluko venus ezagunaren parera iritsi zenean, mihisea zazpi aldiz sastakatu zuen, guardiek... [+]


Eguneraketa berriak daude