Eroskik saltokiak salduko ditu

  • 2.500 milioi euroko zorra berriz finantzatzeko negoziazioa hasi nahi du bankuekin.

Eroskik 22 banku hartzekodunei “birmoldaketa plan erasokorra” aurkeztu die, Vocentoren egunkarien hitzetan. Hala, Euskal Herrian, Katalunian, Galizian eta Espainiako iparraldeko zenbait eskualdetan egingo du indarra, supermerkatu txikiagoen alde. Espainiako hegoaldean berriz, saltokiak salduko ditu, oraindik balizko eroslerik ez duen arren.

Egun 2.000 saltokitik gora ditu banaketa kooperatibak eta 38.420 lagun ari dira lanean, ia herena bazkideak dira. Mondragon Taldean enpleguan pisu handiena duen enpresa da Elorriokoa.

Krisiaren aurretik higiezinen operazioetan –merkatalguneak– inbertsio handia egin zuen eta horrez gain Kataluniako Caprabo saltoki katea ere erosi zuen, hortik datorkio zorraren zati handiena.
Eroskik salmentetan etekinak dituen arren, diru kopuru handia ordaindu behar izaten die bankuei zorragatik –iaz 121 milioi euro galdu zituen–. Adreiluak ematen dizkion problemak enpresa berri batean bildu nahi ditu orain.

Zein dira hartzekodunak?

Vozpópuli webgunean Eroskiren hartzekodun nagusiak zein diren zerrendatu dute. Hala, Santanderri zor dio diru gehien (450 milioi euro), gero BBVAri (430 milioi) eta La Caixari (320 milioi). Bankuekin hasi beharreko negoziazioek bat egin dute Fagor Etxetresnen krisiarekin.

Bestalde, ekarpen subordinatuen jabe diren 40.000 lagunei 650 milioi euro zor die Eroskik. Ekarpenek kaltetutakoen plataformak blogean dio, zor dien dirua beste finantza produktu batzuekin kitatzeko “psikologikoki” prestatu nahi dituela banaketa enpresak.


ASTEKARIA
2013ko abenduaren 01a
Irakurrienak
Matomo erabiliz
Azoka
Kanal honetatik interesatuko zaizu: Eroski
Asier Guerra Herrero, Cecosako langilea
"Eroskin higadura fisiko handia jasaten dugun langileontzat gutxieneko baldintzak lortu ditugu"

Elorrioko Eroskiren produktu ez-galkorren biltegiko Cecosa azpikontratako langileek oso baldintza kaskarretan dihardute: biltegiaren azken katebegian egiten dute lan zama handiekin, eta Espainiako estatuko hitzarmena aplikatzen zaie. Abenduaren 11tik 16ra grebara jo zuten eta... [+]


Greba hasi dute Eroskiko Elorrioko biltegiko langileek, gehienak migranteak

Abenduaren 11tik 16ra egingo dute greba. ELA sindikatuak adierazi du lan hitzarmenaren “estatalizazioa” dela "lan baldintza latzen" erantzule.


Eroskiren 'ongizatea': Zapaltzailearen zinismoak goia jo zuenekoa

Bozgorailutik ateratzen den ahots goxo batek hartu nau, dendan sartu bezain pronto: “Estres termikoak, larritasunak edo espaziorik ezak kalte egiten diote abeltegietako animalien bizi kalitateari. Eroskin argi dugu animalien ongizatea ez dela hautazko kontu bat. Animalien... [+]


2019-10-03 | ARGIA
Eroskik isuna jaso du, Madrilgo presidente ohiaren lapurretaren bideoagatik

Espainiako Datuen Babeserako Agentziak (AEPD) 150.000 euroko isuna jarri dio Eroski supermerkatu kateari, 2018an publikatu zen bideo batengatik, non Madrilgo presidente ohi Cristina Cifuentes ageri den segurtasun-langile baten alboan, ustez azalerako krema poto batzuk lapurtu... [+]


2018-06-03 | Juan Mari Arregi
Arizmendiarrietatik Fagor eta Eroskira

Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.


Eguneraketa berriak daude