Emakumeak borrokan

Dantza maitatzeko garaia Miarritzen


Myriam Garzia
2013ko irailaren 08a
Faizal Zeghoudi konpainiaren Le Chant de la gazelle, Le Sacre du printemps 
ou le cri de l
Faizal Zeghoudi konpainiaren Le Chant de la gazelle, Le Sacre du printemps ou le cri de l"™indépendance obra.

Irailaren 6an hasiko da Maitaldia, Euskal Herrian egiten den dantza jaialdirik garrantzitsuenetako bat, eta horrenbestez, dantzaz jantziko dira Miarritzeko areto, plaza eta kaleak, bederatzi egunez. Nazioarteko 30 konpainia inguru bilduko ditu jaialdiak, eta obra neoklasikoek –dantza klasikoak baina gaurkotuak–, garaikideek eta modernoek edo hiritarrek–hip hop-a kasu– osatuko dute aurtengo menu aberatsa.

Deigarria izan ohi da beti aniztasuna, Biarritz Culturek antolatutako programan. “Eklektikotasuna dugu ezaugarrietako bat, ez ditugu gustuko etiketak, eta zaletu guztien gogoa asetzeko gai izan nahi dugu”, diosku Eloixa Ospitalek, antolatzaileen izenean. “Koreografo bakoitzak bere hizkuntza du, idazteko eta kontatzeko modu bat. Sailkatzea zaila da askotan”. Hala ere, dantza garaikidea da nagusi aurtengo programan.

23 urtez antolatu da Maitaldia eta honek ospea eman dio. Horri esker, gurean ohikoak ez diren konpainia handiak ikusteko parada eskaintzen digu jaialdiak, kasurako, Nurembergeko Operako Balleta. Goyo Monterok zuzentzen du Nurembergeko Balleta, eta honen azken lana, Benditos Malditos, irailaren 13an ikusiko da, Gare du Midi aretoan. “Guretzat oso pozgarria da horrelako konpainia handi bat ekartzea”, azaldu digu Ospitalek: “Kontuan izan, 25 dantzarik parte hartzen dutela lan honetan, eta horrelako montajea mugitzea zaila izanik, harro gaude gurera etorri nahi izan dutelako”.

Hainbat musikari eta olerkariri egiten dio gorazarre Benditos Malditos lanak. Joaquin Sabina, Vinicius de Moraes, Luz Casal edota Tom Waits-en olerkiak baliatzen dituzte dantzari hauek.

Miarritzeko Malandain Balletak zabalduko du Maitaldia, irailaren 6an, Gare du Midi aretoan. Thierry Malandain koreografoak zuzentzen duen konpainiak Cendrillon (Errauskine) eskainiko du. Harekin, Sergei Prokofiev-ek ipuin ezagunari sortutako musika interpretatuko du Euskadiko Orkestrak.

Berezia izango da, bestalde, Oliver Dubois koreografoak erakutsiko duen Tragedie lana (irailaren 8an, igandean Gare du Midi aretoan). Ospitalek azaldu digunez, “ez da oharkabean pasako, oso emozio gogorrak mugiarazten baititu”. 9 gizonezko eta beste horrenbeste emakumezko ariko dira, rock doinu gogorren konpasean.

Suitzako Foofwa d´Imobilite dantzariak Histoires Condansées lana erakutsiko digu irailaren 11n, asteazkena, Miarritzeko Colisèe Antzokian. Dantzaren bilakaeraren inguruko ikasgai dantzatu eta mintzatua eskainiko digu dantzariak, ez umore eta ironiarik gabe. Antzerkia eta dantza nahasten dira lan honetan.

Euskal konpainiei dagokienez, Mizel Thèret lapurtarraren taldeak Hiru Zitroi Lur Hotzean obra eskainiko digu irailaren 14an, larunbata, Les Decouvertes eta Theatre des Chimeres aretoetan. Lau dantzari arituko dira Beñat Achiaryren amodiozko abestiak lagun. Lirismoa, minimaltasuna eta intimotasuna dira nagusi dantza garaikide honetan. Dantzaz konpainia ere bertan arituko da irailaren 12an, osteguna, Casinoko Antzokian. Arte-an izeneko lan garaikidea eskeiniko digute Itzik Galili koreografo israeldarraren gidaritzapean. Mercedes Sosaren abestiak eta Paxkal Indok idatziatako txalapartarako doinuak izango dituzte oinarri dantzari gazte hauek.

Maitaldiak presentzia handia izaten du kaleetan. “Ez dugu dantzaren izaera popularra ahaztu nahi”, dio Ospitalek, “garrantzitsua iruditzen zaigu jendeak bat-batean dantza aurkitzea, publiko berriak sortzen baititu”.

Hiru eraskusketa ere badira, Maitaldiaren programaren aberasgarri. Tartean, AEBetan 30eko hamarkadan emakumez osatutako New Dance Club dantza konpainiaren istorioa kontatzen duena.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Dantza garaikidea

Dantza garaikidea kanaletik interesatuko zaizu...
2018-10-17 | dantzan.eus
Indarkeria ardatz hartuta, Bilboko antzerki eta dantza garaikide jaialdia hasiko da asteazken honetan

Bilboko Udalak antolatzen duen BAD jaialdia urriaren 17tik 28ra hiriko sei agertokitan ospatuko da dantza eta indarkeria lotuz. Bilboko Antzerki eta Dantza Garaikide Jaialdiak, lau estreinaldi eskainiko ditu Campos Antzokian, Sandra Gómez, Blanca Arrieta, Isaak Erdoiza eta Pablo Fidalgo artisten eskutik. Horrez gain, BADek lekua gorde du nazioartean ibilbidea duten ekoizpen lanetarako, Arkadi Zaides koreografoaren Archive edo Juan Domínguezen My Only Memory lanetarako, adibidez.


2017-11-03 | Frederick Wiseman
Dantza, Parisko Operaren Balleta
MULTIMEDIA - dokumentala

Parisko Operako Balleta munduko ballet konpainiarik inportantenetarikoa da. Dokumental honek instituzio honen eguneroko bizitza eta lanaren alderdi guztiak arreta handiz erakusten dizkigu: saio, ikastaro, errepikapen, entsegu... Mundu eder baina gogor honen zoko guztiak agerian utzi ditu Frederick Wiseman zuzendariak.

Zuzendari eta gidoilaria: Frederick Wiseman
Musika: Joby Talbot, Benjamin Wynn
Ekoizpena: Idéale Audience / Zipporah Films / Opéra National de Paris / Centre... [+]


2017-01-17 | Arabako Alea
Danzalava jaio da, dantza garaikidea sustatu eta zabaltzeko ekimena

Lantegiak, koreografia erakustaldiak eta euskal koreografo gazteen topaketa egingo dira, ekainera bitartean.


2014-06-08 | Myriam Garzia
NATXO MONTERO
Lugorri utzitakoaren sentipena

Maitzaren 14an Barbecho dantzalan garaikidearen aurrestreinaldia eskaini zigun Natxo Montero bilbotarrak, Arriaga Antzokian. Harekin Laia Cabrera antzezle eta dantzari kataluniarra aritu da sormen prozesua bera ardatz duen obra honetan. Gelatxoak programak lagundu du. Ekainaren 14an estreinatuko da.


Gernika Lemoizen
Mikel Laboaren esperimentazioa esperimentazio iturri

Gernikako bonbardaketaren urteurrenarekin bat estreinatuko da Gernika Lemoizen. Mikel Laboaren Lekeitioetako bat Lemoizko testuinguruan lekututa interpretatzen duen dantza flamenko garaikidea du ardatz bideo honek, eta zuzeneko emanaldi berezi batez eman nahi zaio hauspoa. 40 minutuz, Laboaren doinuak eta berorietan oinarrituriko dantzak taularatuko dituzte, Franz Kafkaren Legearen aurrean testua (Itxaro Bordaren ahotsean) haritzat hartuta. 24ean Donostian eta 26an Astran.


Marina Ruiz
"Gorputza, mugimendua eta espazioa dira nire baliabideak"

Dantzari eta koreografo da Gasteizen. Horrekin batera, hizkuntza politika eredugarria du euskaldunberri zahar honek. Natural-natural nahi du dena.


2014-03-30
Nortasun agiria

Marina Ruiz Valverde (Beasain, 1960). Dantzaria. Txikitandik da porrokatua. Haur psikologia klinikoa ikasketak egin zituen Bartzelonan eta hasi zen dantza ikasten. Klasikoa. Gerokoa du dantza garaikidea. Dantza klasikoak ez bezala, askatasuna esan nahi zuen garaikideak. Gorputza, mugimendua eta espazioa nahieran erabiltzeko bitartekoa zitzaion. Gasteizko Traspasos dantza konpainian da joan deneko hogei urtean, Marga Arroyorekin batera. Hainbat ekitalditan parte hartu ohi du, dantza eta... [+]


2014-02-23 | Myriam Garzia
Dantza Garaikidea
Muelle 3n, programazio formula berrien bila

Muelle 3 dantza eskolaren baitan, Horman Poster, Olatz de Andres eta Ruemania konpainiek komunikazio egitura bat osatu dute. Dantza garaikideak publiko zabalera iristeko dituen oztopoak gainditu nahi dituzte elkarrekin. Matxalen de Pedro (Horman Poster), Olatz de Andres eta Maria Ibarretxe (Ruemania) dantzariek eman dizkigute azalpenak, baita David Aldai egitura berriko banaketa eta komunikazio arduradunak ere.


2013-08-27 | ARGIA
Malandain Balletak irekiko du Miarritzeko 'Maitaldia'

Miarritzeko Maitaldia dantza jaialdiaren 23. edizioa irailaren 6tik 15era bitartean egingo da. Parte hartuko duten 30 konpainien artean Olivier Dubois, Fêtes Galantes eta egitaraua irekiko duen Malandain Balleta daude.


2013-06-10 | Lander Arretxea
Publikoari Gorroto antzezlanarekin amaituko da Eztena jaialdia

Ekainaren 13an hasiko da Oreretako Eztena antzerki eta dantza jaialdia. Hiru egunez, hamahiru taldek hartuko dute parte Mikelazulo elkarteak antolatu duen ekimenean. Laugarren edizioa da aurtengoa eta hainbat disziplina bilduko ditu: antzerkia, txontxongiloak, bakarrizketak, dantza garaikidea eta musika.


ASTEKARIA
Azkenak
EGILEA
Eguneraketa berriak daude