Osteoporosiari aurre egiteko aholkuak


2013ko maiatzaren 08an

Osteoporosiak 50 urtetik gorako hiru emakumetatik bati erasaten die, Osteoporosiaren eta Hezurretako Gaixotasun Metabolikoen Elkartearen arabera. Gaitzak jota dauden emakume horien erdiak inguru, osteoporosiak dakarren hezur-masaren gehiegizko galeraren eraginez haustura bat jasango dute, Bartzelonako Itsas Ospitaleko azterketa batek dioenez. Behin hezurra ahuldu denean berriro indartzea oso zaila da, baina hala ere posible da osteoporosia geraraztea, eta batez ere gaitzari aurre hartzea.

Kaltzioa birjarri eta hobeto asimilatzeko neurriak

Pertsona helduek 1.000 miligramo kaltzio inguru behar dute egunean, baina menopausian dauden edo hurbiltzen ari diren emakumeen kasuan premia 1.400 miligramora iristen da. Ez badute egunero kopuru hori ahoratzen, gorputzak kaltzioa “lapurtzen” du hezurretatik, eta haiek ahuldu egiten dira pixkanaka. Mineral horren birjarpena behar bezala gertatzen dela eta gorputzak ondo xurgatzen duela ziurtatzeko, emakume menopausikoak hurrengo aholkuak jarraitu beharko lituzke:

  • Konbinatu esnekiak fruitu lehorrekin eta zerealekin, eta egunean bitan hartu horrelako nahasketak. Kaltzioarekin aberastutako jogurtak gomendatzen dira batez ere –jogurt normalek eta baso bat esnek baino bi aldiz kaltzio gehiago ematen dute–, eta jogurtarekin batera arbendolak, hurrak edo sesamoa har daitezke.
  • “Eguzki-bainua”, egunero hamabost minutuz gutxienez. D bitaminak –izokinean eta arrautzetan aurkitzen da, esaterako– kaltzioa hestean eta giltzurrunetan ongi asimilatzen laguntzen du, ondoren hezurretan finka dadin. Baina azterketa ugarik frogatzen duten bezala, emakumeen %70ek ez du behar adina kaltzio hartzen jan-neurriaren bidez. Horregatik, egunean beharrezkoa den D bitamina guztia (30 gramo inguru) lortzeko, errazagoa da eguzkiari besoak, aurpegia eta paparra “ukitzen uztea” hamabost bat minutuz, baina babes-neurri egokiak (kremak, adibidez) erabiliz betiere.
  • Aztertu hartzen ari zaren botikak hezurrentzat kaltegarriak ote diren. Kortikoide edo antsiolitikoekin denbora luzean egindako tratamenduek deskaltzifikazioa eragiten dute. Horrelakorik hartzen baduzu, galdetu zure medikuari.
  • Egin ariketa erregularki. Inpaktu apaleko jarduera fisikoren bat egiteak –oinez ibiltzeak, dantzan aritzeak, bizikletan ibiltzeak edo pisu txikiekin astean hirutan ariketak egiteak– hezurrak inguratu eta babesten dituzten giharrak indartzen ditu. Horrela hezurraren biziberritzea eta berrosatzea bizkortu eta estimulatzen da.
Arrisku faktoreak

Kontuan hartu zure hezurretako dentsitate minerala asaldatuta egon daitekeela hainbat faktore direla medio. Batetik, genetika: hezurren sendotasuna edo ahultasuna amarengandik heredatzen dute emakumeek. Bestetik, antiazido, kafeina edota freskagarri gehiegi hartzeak ere kalte egin dezake. Antiazidoek gernuarekin batera kanporatzen den kaltzio kopurua handitzen dute; kafeinak eta freskagarriek, berriz, kaltzio galera errazten dute dosi altuetan.


Kanal honetatik interesatuko zaizu: Medikuntza
Biolentzia psikiatrikoa salatuko dute Bilbon, Espainiako Estatu osoko Harro Zoro Erradikalek

EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]


Psikologo gutxiago indarkeria matxisten biktimak artatzeko

Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.


Menopausia medikalitzatzeko arriskuaz ohartarazi du The Lancet aldizkariak

Martxoaren 8aren atarian, menopausiari buruzko artikulu-sorta bat argitaratu du The Lancet medikuntzan espezializatutako aldizkariak. Laburpenean gogorarazi duenez, menopausia munduko populazioaren erdiaren bizitzaren etapa saihestezina da, baina esperientziak asko aldatzen dira... [+]


Eguneraketa berriak daude