Gernu-infekzioa, ikasi saihesten

www.usetinc.org

Zistitisa maskuriko inflamazio edo hantura da. Gaixotasun hori ohikoa da emakumeengan; estatistikek diote emakume guztiek izaten dituztela infekzio horiek behin edo behin bere bizitzan. Lautik bat urtean hiru zistitis edo gehiago jasatera irits daitezke. Gizonek ere jasan dezakete maskuriko infekzioa.

Behin eta berriz errepikatzen diren zistitisei errekurrente esaten zaie, eta arrazoiak askotarikoak izan daitezke: joera genetikoa, umetoki barruko gailua bezalako antisorgailuak erabiltzea, hesteetako asalduak –beherakoak, esaterako–, menopausia –estrogenoen jaitsierak baginako flora normala aldatzen duelako–, baita harreman sexualak edukitzea ere: penetrazioan uretrak masaje moduko bat hartzen duenez, kanpotik germenak sartzea asko errazten da.

Mikroorganismoek gernu-traktua inbaditzen dutenean gertatzen da batez ere zistitisa, eta infekzioak uretrari, maskuriari, giltzurrunei eta  prostatari erasan diezaieke. Hura sorrarazteko gai diren germenak asko diren arren, Escherichia coli baziloa da denetan usuena. Normalean hestean bizi den bazilo hori uretran barrena iristen da, eta emakumeen uretra gizonezkoena baino laburragoa denez, infekzioa errazago zabaltzen da gorputz barruan.

Babes ohiturak

Zistitisa diagnostikatu bezain laster, medikuek antibiotikoak errezetatzen dituzte, infekzioak giltzurrunari erasan ez diezaion. Tratamendua medikuaren ardura denez, ez gara hemen alderdi hori jorratzen hasiko. Esan behar da, hala ere, zenbait kasutan zistitisak tratamendu konbentzionalekiko erresistenteak izaten direla, eta konplikatzera irits daitezkeela. Horregatik espezialista izango da, beti, tratamendu egokia aginduko duena, beharrezkotzat jotzen dituen azterketa klinikoak eta proba diagnostikoak egin ondoren.

Dena den, horrelako zistitisak behin eta berriz errepika ez daitezen, badira neurri eta ohitura sinple batzuk.

Bainu-gelan

Saihestu tanpoiak eta perfume gehiegi daramaten gel eta kremak. Sexu harremanen aurretik eta ondoren maskuria hustu eta alde genitala ondo-ondo garbitzea komeni da, eta libratu ostean garbiketa beti aurretik atzerantz egitea.

Mahaian

Egunero ahabi gorrien zukua, pepino eta espinaken zukuak, edo errefau-hostoen zukua edateak zistitisari aurre hartzen laguntzen du. Horrez gain, gurbitz edo garangorriz egindako infusioak eta otorduei perrexila eranstea baliagarria izaten da. Eta, noski, aditu guztiek ur ugari edatea gomendatzen dute.

Armairuan

Ahal dela ez erabili galtza estuegirik, eta barruko arropa kotoizkoa izan dadila, sintetikoa beharrean.


Kanal honetatik interesatuko zaizu: Medikuntza
Eskola nola bihurtu espazio psikologiko seguru

Haur eta gazteen egoera emozional eta psikologiko txarra dela-eta, irakasleak gaindituta daudela eta ikastetxe bakoitzean psikologo bat ezarri beharko litzatekeela aldarrikatzen du mugimendu batek. Hari horri tiraka, jakin nahi izan dugu zein den pandemiak eskoletan utzi duen... [+]


Biolentzia psikiatrikoa salatuko dute Bilbon, Espainiako Estatu osoko Harro Zoro Erradikalek

EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]


Psikologo gutxiago indarkeria matxisten biktimak artatzeko

Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.


Eguneraketa berriak daude