"Monarkia inperialarentzat ez zen egon asimilatu gabeko nafarrik"

Konkista eta errepresioa jasan zuten nafarrak ditu protagonista Esartek.
Konkista eta errepresioa jasan zuten nafarrak ditu protagonista Esartek.

Ofizioz harakina eta afizioz historialaria da. Elizondoko alkate izan zen 1977an eta Baztango bailarako batzarkide ere bai. Bertoko mendien jabetza arakatuz hurbildu zen historiara. Nafarroako konkistari loturiko makina bat liburu eta artikulu idatzi ditu, horietako askotan gogor egiten du Nafarroako Gobernuak landu izan duen ildo ofizialaren kontra. Nabarralde eta 1512-2012 Nafarroa Bizirik elkarteen bidez ezagutarazi ditu bere iritziak.

2001 urtean mugarri bat jarri zuen Pedro Esartek Nafarroako konkistaren historiografian. Pamiela argitaletxearen eskutik Navarra, 1512-1530. Conquista, ocupación y somentimiento militar, civil y eclesiástico izeneko liburua eman zuen argitara. 900 orrialde eta 2.641 oin-ohar osagarri dituen lan mardula da. Boissonnadek XIX. mendean bere kronika idatzi zuenetik, zaila da ikerlan sakonagorik aurkitzea gai horren inguruan.

Esartek ekarpen berezia egiten du Navarra, 1512-1530-rekin. Normalean historialarientzat bigarren mailako izan diren artxiboko dokumentuak ikertu ditu hogei urtez, eta batez ere, notaritza-protokoloetatik edan du. Modu horretan, Nafarroako herritar soilen testigantzak eta iritziak jasotzea lortu du, konkista jasan zuten protagonistena alegia. Auzi, eskaera, salaketa, kontratu eta bestelako dokumentazioen bidez, liburuak erakusten du Nafarroa konkistatua eta menperatua izan zela, eta nafarren erresistentzia eta jasandako errepresioari tamaina hartzeko balio du.

2011n Pamielak jatorriko liburuaren 204 orrialdeko laburpen bat publikatu zuen, Breve historia de la invasión de Navarra, Aitor Pescador historialariak atondua. Pescadorren esanetan, 2001eko liburua “urrezko zain bat” da, dakarren informazio mordoagatik eta, batez ere, “nafarrek ikusiriko konkista, nafarrek sufritutakoa” kontatzen duelako. Segidako testua Navarra 1512-1530 liburutik hartu da.

“Beaumontarren eta agramontarren arteko barne borrokak aitzakiatzat hartuz edo estatu modernoen osaketan zegoen egoera aipatuz, Nafarroak independentzia galdu izana zuritu nahi izatea, gertaera haiek desitxuratzen dituzten arrazoiak ematea da; mundua menderatu nahi izan zuen monarkia inperialak, baita bere tropek, zaleek eta kolaboratzaileek buruturiko desmasia, krimen eta espoliazioen aurrean erasotzaile zuzen gisa zuten erantzukizuna desegitea dute helburu. (…)

Nafarrak, inposatu zitzaien zamaren kontra matxinatuko zirenaren errezelo eta susmoa mantendu zen. Tristea da ikustea, Nafarroako erreinuko berezkoak zirenak, ez zituztela nafar gisa hartu obedientzia eta morrontza zin egin arte.

Monarkia inperialarentzat sekula ez zen existitu asimilatu gabeko nafarrik. Hori egiteko, ez zen nahikoa izan leialtasuna eta obedientzia zin egitea, auto-erruduntasuna eta barkamena modu indibidualean eskatzea ere exijitu zitzaien”


Kanal honetatik interesatuko zaizu: Nafarroaren Konkista
2023-12-13 | Axier Lopez
Gipuzkoa konkistatu zuen Gaztelako erregearen omenezko kaleari izena aldatu dio Arrasateko Udalak herritarren eskariz

Gipuzkoa Nafarroako Erresumatik aterarazi eta Gaztelarentzat konkistatu zuen Alfonso VIII. erregearen omenezko kaleari izena aldatuko diote. Horren partez, “17 emakume" deituko da kale hori, frankismoaren lege matxisten aurka borroka egin zuten herriko emakume batzuen... [+]


2023-09-12 | Euskal Irratiak
Nafarroa bizi dela aldarrikatu dute Donapaleun

Memoria eta aldarrikapen eguna izan da larunbatean Amikuzeko hiriburuan. "Sekulan baino gehiago, gure izanetik aurkitu indarraz, bihar gu girena hazi", izan dira Zabalik elkarteko presidentearen hitzak, Nafarroa Bizirik eguneko ekitaldi ofizialean.


Nafarroako Estatu Nagusiak Donapaleun
500 urteren ondoren, oroimena eta hizkuntza bizirik

1523ko abuztuaren 18an, Henrike II.a Nafarroako erregeak Estatu Nagusiak deitu zituen Donapaleun. Gaztelaren eraso eta konkistaren ondoren, Nafarroa Behereko lurraldera mugaturik geratu zen erresumak bere egiturak bizirik mantentzeko azken saiakera izan zen hura. 500 urte... [+]


Duela 500 urte Nafarroako Estatu Nagusiak bildu zirela oroituko dute Donapaleun

Larunbat honetan egun osoko egitaraua antolatu dute Zabalik elkarteak, Nabarraldek eta Hernani Errotzenek, gogorarazteko 1523an Nafarroako Erresumak Donapaleun ezarri zuela hiriburua eta bere egiturak mantendu zituela.


Eguneraketa berriak daude