Kostaldearen beste ikuspegi bat
Kayakean lagunartean ibili, Donostiara joan-etorriko bidaiak itsasontziz egin eta, aurtengo berrikuntza, aditu batek lagunduta talde txiki edo handietan arraun egiteko aukera eskaintzen du Orioko Udalak. Oria ibaia protagonista, ura oinarri duten kirolak eginez aisialdiko plan bereziak egiteko parada izango da udan.
“Edertasun guztien leku izan nahi duzunez gero, hala izan zaitezen bizitzaren kantu zaren ibaia, bizitzaren kantu zaren Oria ibaia”. Benito Lertxundik Oria ibaiari abesti bat eskaini zion 1974an. 54 herri gipuzkoar bustitzen dituen ibai zabalak naturaz gozatzeko aukera asko eskaintzen ditu. Horiez baliatzen jakin du, azken urteetan, ibaia itsasoratzen den herriak, Oriok, kirola egin eta ingurunea ikusi ahal izateko.
Duela zazpi urte inguru hasi ziren Oria ibaian aisialdiko jarduerak eskaintzen; kayakean ibiltzeko aukera eta barkuan Donostiara joan-etorria izan dira orain arteko eskaintzak, azken hori, igande arratsaldetan kirol portutik abiatuta. Txango bera egiten da ontziz Donostiako Aste Nagusian, baina kasu horretan xedea su artifizialak ikustea da.
Aurten eskaintza zabaldu eta arraunean aritzeko aukera eman dute. Orion arrauna eta piraguismoaren teknifikazio zentroa eraikitzen ari dira, eta hor, bi kirol horiekin lotutako jarduerak ez ezik, aisialdiko ekintzak antolatzeko gunea egingo dute. Orioko Arraun Elkartearekin elkarlanean, Udalak arraun egiteko jarduera antolatu du.
Lagunartean egiteko ariketa
Jarduera horrek hainbat atal izango du. Alde batetik, azalpen teorikoak eskainiko dira, eta ostean ibaian arraunean egiteko aukera eskainiko dute. Ekintza hori bukatzean, Arraun Elkartearen historia azalduko dute: zein bandera lortu den, eta abar. Beti ere Arraun Elkarteko kideak arituko dira, bai azalpenak ematen, baita ibaian arraunean aritzen direnean patroi ere.
Bi bide ditu parte hartu nahi duenak: programa finkoa eta ordutegi aukeraketa. Lehenengoan, astero ordutegi finkoa ezarrita egongo da, eta Orioko Turismo Bulegora deituta izena eman ahal izango da parte hartzeko. Bigarrenean, berriz, taldeek nahi duten eguna eta ordua hautatu ahal izango dute. Egun-pasa bereziak egiteko asmoarekin sortu da ideia hori, jendearen ordutegiei egokituta. Baldintza bakarra itsasgora egotea da.
Taldeak gutxienez lau lagunekoak izango dira, eta gehienez 15-20koak. Pertsona kopuruaren arabera ontzia aukeratuko da; lau laguneko taldeak batelean ibiliko dira, seikoak trainerillan, eta 10-12 inguru badira, traineruan.
Ekainaren amaieratik aurrera emango da zerbitzua, baina data oraindik ezin dute zehaztu, teknifikazio zentroan obrak bukatzen ari direlako. Aurreikusten dute San Pedro festen inguruan egitea lehenengo jarduera.
Natura, kirola eta paisaia
Kayakekin egindako txangoen aurrekaria du arraunketaren egitasmoak. Lehenbizikoarekin oso esperientzia ona izaten ari dela dio Orioko Udaleko turismo teknikari Idoia San Sebastianek: “Ondo pasatzeko modukoa da, eta kontuan izan behar da gerturatzen direnek ez dutela zertan jarduera hori egiten aurrez jakin, bertan irakatsiko diete eta”.
Asko aldatzen da ikuspegia ibaitik edo herritik bertatik; Oria ibaiaren itsaslabarra leku ederra da ikusteko. Ekintza hauetan kirola, paisaia eta natura uztartzen direla azpimarratu du turismo teknikariak; horrek egiten ditu jarduerak berezi.
Ernaik manifestazio jendetsua egin du igandean Donostian, estropaden ostean, "Ekin eta bultza askatasunera" lelopean. Milaka gazte elkartu dira independentziaren alde eta faxismoaren aurka. Txiki eta Otaegi omendu dituzte, beren borrokarekin jarraitzeko konpromisoa... [+]
Erraustegia elikatzen segi ez eta birziklatzeko eginiko eskakizuna nabarmendu dute, igande honetan, irailaren 14an Donostiako Kontxan eginiko giza katean.
Palestinaren aldeko elkartasuna eta Israel palestinar herriaren aurka gauzatzen ari den genozidioaren salaketa gizartearen arlo guztietara zabaltzen ari da, baita kirolera ere, asteotan Espainiako Vueltan ikusten ari den moduan, besteak beste. Hain zuzen ere, Kontxako Bandera ez... [+]
Alarde baztertzailean ardura duen kide bat Jaizkibel konpainiako kide baten kontra oldartu zen. Txosnako kideek inolako erasorik onartuko ez dutela adierazi eta babesa helarazi diote erasoa pairatu zuen pertsonari.
Irailaren 9tik 12ra hamaika ekintza antolatu dituzte, herriko eragile, ekoizle eta merkatariekin elkarlanean. Gure lurra, gure jatekoa lelopean, herritarrak “bertako produktua zaintzera” bultzatu nahi dituzte, besteak beste. Ostiralean da hitzordu nagusia: azokak... [+]
Zubietako erraustegia itxi eta Gipuzkoako hondakinen gaikako bilketa hobetzea eskatzeko giza katea deitu du Errausketaren Aurkako Mugimenduak eragile gehiagoren babesarekin, azken urteotan bezalaxe, igandean, irailaren 14an Donostiako Kontxan.
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
17. edizio honetan hamar proiekzio antolatu ditu Donostiako Zinemaldi Alternatiboak, beste horrenbeste eragilerekin elkarlanean. Helburua, urterokoa: "Zinemaren bidez hausnarketa kritikoa sustatzea, hainbat gizarte-gai eta -gatazkari buruzko lanak proiektatuta eta... [+]
Amonarena zen etxean bizi da Irati Zubia duela urte batzuk, lagunekin. Donostiako atari zaharren usaina dauka atariak. Zaintza existitzen ez den mundu batean izan nahiko luke zaintzaile eta eskarmenturik ez zaio falta: irribarre zabalaz hartu nau etxean Aste Nagusi betean, sofa... [+]
Aste honetan, etxeko lanak jarriko dizkizuet. Hori gertatzen zaigu urte luzetan irakaskuntzan aritu garenoi: dena bihurtzen dugu arbel, etxeko lan eta ikas-egoera. Demagun euskal jai bat antolatu behar dugula herrian. Zer egitarau proposatuko dugu? Nola ospatu, dantzatu eta... [+]
Joan den astean jakinarazi zuten Basque Culinary Centerren GOe eraikina urriaren 20an inauguratuko dutela, eta horren harira, Kaleratzeak Stop plataformak idatzi bat helarazi du komunikabideetara. Bertan, gaitzetsi egin du Basque Culinary Centerreko eraikin berria 20 hilabetetan... [+]
Jaizkibel konpainia berdinzaleak Herriko Etxearen eta epaileen deliberoak bete ditu, ez haatik HAOSEk, alarde baztertzailearen antolatzaileek. «Estrategia aldaketa bat» eskatu dio Jaizkibelek auzapezari; ezkerreko ordezkariek «Alardea antolatzeko».
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Uztailaren 20an, goizaldeko 04:00ak aldera, Azpeitiko Gaztetxearen ondoan jazo ziren gertakariak, gazte batek pilen edukiontzi batean ACAB leloa [All Cops Are Bastards edo "Polizia guztiak sasikumeak dira"] idatzi eta ertzainek isuna jarri ostean. Hasiera... [+]
