José Maria Hualde Ruiz de Gámiz (Irurita, 1967) bere leinuko azkena da, baina horrek ez dio axola, antza denez. Geografia eta Historia ikasketak egin zituen Donostian eta orain ama gau eta egun zaintzen bizi da jauregian. Bisita gidatuak egiten ditu bisitarientzat eta enkanteetan bilatzen ditu bere bildumarako interesgarriak izan daitezkeen piezak. Hitz jario handikoa, kritikoa eta probokatzailea. Pasioz hitz egiten du historiaz nola arteaz, eta ez du beldurrik pentsatzen duena argi esateko.