Pobrezia kriminalizatu

Joan den astean, hainbat elkarte sozialek Administrazioaren asmoa salatu zuen, alegia, behartsuen (gazteen, etorkinen, emakumeen eta langabeen) giza eskubideak are gehiago murriztea. Krisi ekonomiko finantzarioak, banka handiak eta erakunde finantzarioek eragindakoak, gertaera horretan ardurarik izan ez dutenei ikaragarri eragiten die. Administrazio publikoak ez dira ausartzen bankari aberatsei eta enpresa handiei zerga bereziak ezartzen. Alabaina, sozietate-zerga jaistearen aldeko apustua egin dute. Aldiz, ez daukate lotsarik dagoeneko baxuak diren errenta sozialak jaisteko eta horiek eskuratzeko baldintzak gogortzeko.

EAEko Gobernua, PSOE eta PPren babesarekin, diru-sarreren bermearen errentaz legeri berria ari da tramitatzen. Gizarte zerbitzuez baliatzea zailduko du horrek. Diote, EAEko gizarte babeserako sistemak behea jo duela, 55.000 hartzailerentzako 400 milioi euro erabiltzea ez delako eramangarria aurrera begira. PSOEri eta PPri ez die axola kopuru hori baino gehiagokoak enpresariei zergetan barkatzea. Ahulenei erasotzen diete: pobreei eta baztertutakoei. Bostetik bat!

Kutxa publikoetan dirurik ez dagoela diote. Zati eder bat non dagoen badakite: paraiso fiskaletan eta zerga fiskalengandik ihes egiten dutenen sakeletan. Eta badakite nondik atera: bankari, bankariei, enpresariei eta fortuna handiei zama fiskal handiagoak ezarriz, eta paraiso horiek eta ihesian dabiltzanak jazarriz. Pobreen, gazteen, emakumeen, etorkinen eta baztertuen eskubideak murriztea pobrezia kriminalizatzea da.


Kanal honetatik interesatuko zaizu: Pobrezia
Etxebizitza bazterkeriak gora egin du Nafarroan

Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.


2024-01-10 | Euskal Irratiak
%10 hazi da Iparraldean Hazkurri Bankuak jaso duen elikagai galdea

Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.


Lanbiden dirulaguntzak eskatzen dituztenak jomuga dituen kontrol unitatea sortu dute

Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]


Nafarroako Erriberan pobrezia arriskua iparraldean baino %40 handiagoa da

Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]


Eguneraketa berriak daude