Eusko Jaurlaritzak aurkeztu du enpresen munduan eta esparru sozio-ekonomikoan euskararen etengabeko normalizazioa ebaluatu eta egiaztatuko duen Euskararen Kalitate Ziurtagiria. Euskal Autonomia Erkidegoko enpresa eta erakunde publiko zein pribatuek eskuratu ahal izango dute. Horretarako euskararen presentzia, erabilera eta kudeaketaren gutxieneko maila egiaztatu beharko dute. Hiru egiaztapen maila zehaztu dira: oinarrizko mailakoa, erdi-mailakoa eta goi-mailakoa.