Albisteak 

1878. alea
2002-12-01
alde 0    kontra 0

EUSKARA UNIBERTSITATEAN LARRI

Euskal Adarrak aurtengo ikasturtean EHU eta NUPeko euskararen egoera inoiz baino larriagoa dela adierazi du. Batetik, NUPen Irakasle Eskolan euskaraz zeuden lerroak desagerrarazteko Gobernuaren nahia eta bestetik, EHUn funtzionarioak kontratatzerakoan euskara meritu huts izatera pasatzea argudiatu du. Hori dela eta hainbat mobilizazio egingo dituzte aurrerantzean, tartean Gasteizen abenduaren 12an egingo duten protesta ekitaldia.


ABENDUAK 3, EUSKARAREN EGUNA

Abenduaren 3a, Nafarroako Eguna izateaz gain Euskararen Eguna dugu. 1949an ospatu zen lehen aldiz eta hainbat ekitaldi egin zen Iparraldean eta Amerikako hainbat lekutan. Aurtengoan ere ospakizunak izango dira Euskal Herriko hainbat lekutan. Horren lekuko Getxoko IV. Euskararen Jardunaldiak.



EUSKARAZKO KOMUNIKABIDEAK NAFARROAN

Euskarazko komunikabideek diru laguntza gutxiago jasoko dituzte Nafarroan. Nafarroako Gobernuko Hizkuntza Politikarako Zuzendaritza Nagusiak %30-40 jaitsi nahi ditu euskarazko komunikabideentzako laguntzak eta tarteren bat euskarari eskaintzen dioten gaztelaniazko hedabideei subentzioa hirukoiztu nahi die. Azaroaren 20an argitaratu zen horixe Nafarroako Aldizkari Ofizialean. Iaz gaztelaniazko komunikabide horiek laguntza osoaren %8 izatetik %18 izatera igaro ziren eta aurten %30-40 izango dute. Gainera, aurten Euskalerria Irratiak ezin izango du diru laguntzetara aurkeztu, ez baitu emisio konzesiorik eta hori ezartzen dute oinarriek.



HIZKUNTZAREN INGURUKO SAIAKERA

Pello Salaburuk idatzitako «Euskararen etxea» saiakera liburua argitaratu du Alberdaniak. Euskararen egoera du hizpide bertan eta euskaltzaleei gure hizkuntzaren egoeraz gogoeta egitea eskatzeko asmoz idatzi duela aipatu du idazleak. Liburua gazte bati idatzia da, baina adin guztietako irakurleei zuzendu die.



Facebook  Twitter  Delicious  Digg 
azala  
azala1877
 
azala1876

1878 zenbakia.
2002ko abenduaren 01a

   
Jaso egunero email bakarrean eguneko 10 albisteak. Eta astean behin, astekaria. Dohainik.

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys