KUTSADURA GARBITZAILEAK

  • Gizakiak zikindutakoa naturak zertxobait garbitu dezake. Izan ere, zenbait landarek kutsadura ezabatzeko gaitasuna du eta horrelakoak kutsaduraren aurka erabiltzen hasi dira.

2007ko otsailaren 21an
Gizakion eraginagatik kutsatutako lurraldeen zerrenda etengabe hazten ari da. Ur-zikinak, erradioaktibitatea, ongarri kimikoak, herbizidak, petroliotik sortutako hainbat produktu, metal astunak eta abar. ia nonahi aurki daitezke oraintxe: lurrean, lurpeko uretan, hondakindegietan, zabortegietan, ola eta meategietan eta abar.
Kutsadura eta poluitzaile pilaketak ezabatze aldera landareak erabiltzen hasiak dira. Lurretik ur pila izugarriak hartzeko duten gaitasunagatik batzuk: makalak, lertxunak eta zurzuriak (Populus sp.), sahatsak eta zumeak (Salix sp.), zekalea (Secale cereale), askimotza (Cynodon dactylon), basartoa (Sorghum sp.), hirusta zuria (Trifolium repens), alpapa (Medicago sativa) eta abar. Sustraietan bizikide dituzten mikroorganismoen laguntzagatik beste batzuk: alpapa berak sustraietan dituen bakterio batek petrolioaren deribatu batzuk deusezten ditu. Ekiloreak (Helianthus anuus) elementu erradiaktiboak sustraietan irazgazteaz gain ziapearen multzoko landare batzuk (Brassica juncea, Thlaspi sp. eta abar) bezala beruna, nikela, zinka, sufrea, kromoa eta antzeko metal astunak lurretik bildu eta beregain pilatzen ditu. Sagarrondoak (Malus x domestica) eta marugatze beltzak (Morus nigra) bezala alkohol duten konposatuak askatzen dituzten landareek sustraietako mikroorganismoak kitzikatuz kutsatzaile organikoak ezaba ditzakete lur eta uretatik. Lezka hostozabala, garagarra, ezker aihena, osina, txikori-belarra, piperra, tomatea, Menyanthes, Lemna, Myriophyllum, Elodea, Sison eta Polygonum gheneroetako generoak... gero eta garbitzaile gehiego ezagutzen ditugu .


Azkenak
Ukrainak Europar Batasuneko armamentuarekin Errusiako lurraldeari eraso egitea babestu du Borrellek

Borrellen hitzak azken asteotako eskalada elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua Errusiako lurraldearen aurka erabiltzeko baimena ematen dioten... [+]


Herriari bizitza ematen dion Zigako eskolak itxi egin beharko du ume faltagatik

Lehen Hezkuntzako adin ezberdinetako zortzi ikasle baino ez ditu Zigako (Nafarroa) eskolak. Aukera baliatzen dute elkarbizitza lantzeko, tokiko curriculuma sustatzeko, landa ingurunea pedagogikoki aprobetxatzeko eta herria bera bizi eta dinamiko mantentzeko. Hori bai, ume... [+]


2024-05-28 | ARGIA
Hil egin da iragan astean Bergaran zauritutako langilea

Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.


Eguneraketa berriak daude