SAREKO ARGIA BERRIA: ORAIN EGUNERO
- Euskarazko egunkari digital izatera pasatu da Sareko Argia ekainaren 26an. Ordutik aurrera, sail berriak estreinatuz joango da Sareko Argia udan zehar: eguneroko albiste saila, Euskal Kulturaren Hari@ren bilaketa sistema, Sareko Herriak, kanal tematiko berriak...
aurre egingo dieten hedabide independenteak
Baina zer da orain Sareko Argia, ataria, egunkaria? Formato, formula eta edukiz jauzia egin duen web gune honek egunkari elektronikoek dituzten ezaugarriak ditu, eta "atariak" izenez ezagunak diren komunikabide anitz eta ezberdinen ezaugarriak ere bai. Europan eta Ameriketan hainbat komunikabide elektroniko ezagutu eta aztertu da Sareko Argia berria prestatzeko: Kataluniako Vilaweb, Galiziako Vieiros, Frantzian "Le Nouvel Observateur" astekariak Interneten antolatu duen egunkaria, Europa eta Ameriketako astekarien bertsio elektronikoak eta abar.
Horietatik Sareko Argiak euskaraz bizi nahi duen komunitateak dituen baldintza, behar eta mugei egokitutako formulak bereganatu ditu.
Gainerako aldaketak ekainaren 26ra arte itxaron behar izan dute. Formula berrian, Sareko Argiak lehendik ARGIA paperezkotik zeukan autonomia areagotu egin du. Agian deigarriena, egunero orri nagusian eskaintzen dituen albisteak izan daitezke horretan. Egunerokotasunerako jauzia egin du ARGIAko taldeak honekin eta egunak pasa ahala horren emaitzak Interneteko bertsioan bezala paperezkoaren hobekuntzan ere nabarituko dira.
Albiste horietan batzuk gaur Euskal Kulturaren Hari@ zerbitzuak biltzen dituenak dira, hautatuak eta bereziki landuak, lotura eta erreferentziekin. Ekonomia eta politika mundukoak ere badira, eta baita mundu mailako aktualitatekoak eta Internet alorrekoak ere. Albiste laburrak, arrazoi bat edo besteagatik garrantzizkoak diren gertakizunei lotuak eta irakurleari gune interesgarri askotara joateko aukera emango diotenak.
Uztailean zehar hasiko dira ugaritzen Sareko Herriak, frankizia moduan Sareko Argiak herrietako bazkideekin sortuko dituen edizio lokalak. Eta irailerako utziko dira hurrengo berrikuntzak. Horien artean, Gure Mendea proiektuaren barruan mahaijoko gisan 99ko udazkenean plazaratu zen "tribiala" Internet bidez jokatzeko moduan ipiniko da. Eta gaur ARGIAren Eskaintzak direnak Gureazoka.com bihurtuko dira.
Sareko Herriak edizio lokalak dira: euskal herritarrak bizi diren edozein udal edo hiriko informazioak biltzeko, elkarlan moduan planteatu dira.
Sareko Herri bakoitzak bere izaera autonomoa dauka, informazio bizi propioa, eta aldi berean Sareko Argiaren informazio eta zerbitzu multzo guztia ere baliatzen du. Herri bakoitzak dauka azal bat bere albistez eta zerbitzu amankomunez osatua eta aurrera begira bere eztabaidagune propioak, estatistikak eta abar edukiko ditu.
Hitzarmen bat burutzen da Sareko Argiaren eta Sareko Herria antolatu nahi duen enpresa edo pertsonaren artean. Frankizia motako elkarlan hitzarmen bat da, bi aldeen interes sozial eta ekonomikoen gainean eraikia.
Kasu batzuetan herri aldizkari bat izango da Komunikazio Biziagoa enpresaren bazkide lokala, beste batzuetan irrati lokal bat edo argitaletxe bat, komunikazio edo publizitate munduko profesional bat, argitaletxe bat, Interneten lehendik informazio lokala egiten ari den elkarte bat... edo herritar bat, Interneten komunikazioa egiteko interesa duena. Sareko Argia holako bazkideentzako beren proiektuen osagarri gerta daiteke. Areago, Sareko Argiak horietarako ere bere elkarlana eskaintzen die. Internetek euskaraz eta oro har Euskal Herrian daukan beharretako bat "sare barruko bizia" baita.
Ekainaren 26an Sareko Hernani aurkeztu zen prentsaurrean, lehen edizio bezala. Hurrengoak Zuberoa eta Urruñakoa izan daitezen prestaketa lanetan ari dira eta beste zenbait negoziaketa bidean da.
Aldaketa promozio eta publizitaterako irudi bihurtzerakoan, aipatu partaide guztiek gainera Arantzazu Ruiz grafismo aldetik eta Estitxu eta Ixiar Eizagirre eslogan eta kontzeptu bilaketan izan dituzte laguntzaile. Eta hainbeste gazteren lan eta ideiei, laurogei urteko Joxemari Zuzak ipini die aurpegia. "Baina... hi n(on) bizi haiz?" galdetzen die aspaldi www.argia.eus helbidean sartu ez direnei. Zer esanik ez oraindik Interneten ibiltzen ez direnei. Hemen Interneten inbertitzen ari denak (eta euskaraz...) oraindik bi lan egin behar baititu: berea saldu eta eskaria sortu
- 1998an astekariaren zenbait eduki, Elkarrizketak 1963-97 CD-ROMaren edukia, Euskal Kulturaren Aurkibidea, eta abar ipini genituen.
- 1999ko maiatzean Euskal Kulturaren Hari@ sortu genuen, harpidetza bidez banatzen den buletin bertsioan eta web bertsioan. Ekainean ARGIA osorik on line ipini eta Sareko Argia autonomo bihurtu zen.
- 2000ko otsailean Gure Mendea on line ipini dugu
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagun martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Dagoeneko 30 hiri inguru batu dira politika migratorioen eta militarizazioaren aurkako protestetara eta larunbaterako 1.800 hiritan dituzte protestak deituta. Los Angelesen egin bezala, hiri horiek ere militarizatzeko xedea aipatu du Trumpek. Guardia Nazionala hedatu dute... [+]
Ondo Etorri Laudio Harrera Herria sortu dute, kale egoeran bizi diren pertsonen “bidelagun” izan eta “mugimendu arrazista zein xenofoboen aurka” borrokatzeko. Eskualdeko ikuspegiarekin landu nahi dute gaia, eta “lanean” jartzeko deia egin... [+]
José Luis Abalos PSOEko ministro ohia eta Koldo García haren aholkulariaren ustezko ustelkeria kasuarekin lotu dute Santos Cerdán, PSOEeko diputatu eta antolaketa idazkaria. Guardia Zibilak Cerdánek Garcíarekin balizko ordainketez hitz egiten duten bost... [+]
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Ekainaren 14an egingo da Hernanin San Juan jaiak iragartzen dituen 30. Preludio kontzertua. Aurten emakume bat izango du zuzendari musikal: Judith Montero Imaz. Behin batuta hartuko, eta emakumeek musika ondarean egindako ekarpena ekarri du fokupera. Berarekin eta Hernaniko... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Kanpaldiaren helburua "osasuna eta ingurumena arriskuan jartzen dituen eta etorkizuna hipotekatzen duen proiektu jasanezina" geldiaraztea da.
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Urte hasieran gertatu zen, urtarril eta otsail artean, Donald Trumpen bigarren agintaldia hasi zenean eta DEI politiken kontrako gurutzada hasi zuenean hark. Baina ez zen izan prentsa-ohar edo iragarpenik. Erabilpen baldintzetan, norbaiten "genero identitatearen eta... [+]
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]