Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 01an
ZUBIAK ERAIKIKO DITU IBILALDIAK
- Bukatzeko, Balmasedako eliza eta eraikuntza politenen berri ematen dizuegu, Erdi Aroan merkatalgune garrantzitsua izandako herriaz goza dezazuen.
Maiatzeko azkeneko igandea iritsi da eta, beraz, Bizkaiko ikastolen jaiaren hitzordua da. Aurtengoan Balmasedan izango da urtez urte jende gehiago biltzen duen eguna. Jaia antolatzeaz Zubi Zaharra Enkarterriko Ikastola arduratu da. Geroz eta ikasle gehiago ditu Zubi Zaharrak. Hori dela eta, instalazioak kopuru handiago horri egokitzeko erabiliko dute Ibilaldian bildutako dirua. Festaren XXI. edizioak euskarazko kalitatezko irakaskuntza aldarrikatuko du.
ZUBIAK ERAIKIZ.
Balmasedan egingo den Ibilaldiaren logoa Kepa Intxaurbe, ikastolako gurasoak diseinatu du. Logoa osatzeko, "Mendez mende zubiak eraikitzen" da Zubi Zaharra Ikastolak aukeratu duen leloa, eta Zubi Zaharrako ikasle baten amari, Bakarne Gonzalezi bururatu zitzaion. Leloak adierazten duenez, Enkarterrin euskara normaliza dadin zubiak eraikitzea da Ibilaldi honen helburua.
IBILBIDEA.
Sei kilometroko ibilbideak Kadagua ibaia zeharkatzen du, Balmasedako Zubi Zahar ospetsutik. Bi kilometrok herria hartzen dute eta beste lau kilometroak berdegunetatik igaroko dira. Balmasedako kale eta inguruak ezagutzeko aukera paregabea.
ASPERTZEKO ASTIRIK EZ.
Zazpi gunetan zehar, adin guztietako jendearentzako ekitaldiak egongo dira igandean. Haurrentzako jolasak, trikitilari eta dultzaineroak, bertsolariak, antzerki emanaldiak, zanpantzarrak, eskulan tailerrak, musika kontzertuak, herri kirolak... Ez da animaziorik faltako igandean Balmasedan. Iaz bezala, gune batean kontzertuak izango dira bakarrik. Bertan Sekula Santan, Idi Bihotz eta Urtz, esate baterako, izango dira oholtza gainean.
MINTZOA.
"Zubi Zaharraren mintzoa" guztion ahotan izango da igandean. Abestiaren hitzak Juanjo Gaskon bertsolariak idatziak dira; musika, aldiz, The Trasten Traste Balmasedako taldeak sortu du. Urtzeko Xabi Camarerok eta Idi Bihotzeko Mikel Bizar-ek jarri diote ahotsa kolaboratzaile talde oparoa izan duen abestiari. Hala nola, Urgabe taldeko Agus Barandiaran trikitixa joz eta Noraezean-eko Fran Velasco eta Preach-eko Carlos Calvo perkusioan.
HAURRAK NAGUSI.
Umeentzako ekitaldiak egin dituzte, urte osoan zehar, horien artean euskara bultzatzeko: magia emankizunak, desfileak, jokoak, ludoteka... Helduentzako kros bat izan zen ere Ibilaldiaren antolatzaileen eskutik. Balmasedan ezezik, eskualde mailan ere antolatu dituzte ekimenak. Horren adibide da Su Ta Gar, Ost eta Sekula Santan-ek eman zuten kontzertua.
ELKARLANA.
Balmasedan euskararen alde lan egiten duen mugimendua txikia da kopuru aldetik. Enkarterrin euskararen presentzia oso eskasa da, hiritar gehienak gazteleraz mintzatzen dira, hala ere, bertako ikastola, euskaltegi eta elkarteek euskara eskualdean zabaltzearren lan handia egiten dute. Horrexegatik, halako jai bat prestatzeko jende horren guztiaren laguntza behar izan da; egunerako ezezik, urteko ekitaldietarako ere bai.
GARRAIOA.
Autobus eta tren zerbitzu bereziak izango dira egun osoan. Bilbotik datozeneiMuskizeraino trena hartzea eta han Bizkai Bus enpresako autobusak hartzea gomendatzen diete antolatzaileek. Autoentzako aparkalekua Zallan izango da, eta bertatik autobusak aterako dira Balmasedara.
DIRUA ZERTARAKO?
Zubi Zaharra ikastolaren eraikina zaharkiturik dago eta jaian biltzen den dirua ikasgelak, jantokia eta bestelako instalazioak atontzeko erabiliko da. Aurrera begira, DBH eskaintzeko asmoa dute
Irakurrienak
Matomo erabiliz
#1
Gorka Bereziartua
#2
Mikel Garcia Idiakez
#3
Gorka Peñagarikano Goikoetxea
#4
Gorka Peñagarikano Goikoetxea
Azkenak
2024-04-30
ARGIA
Netanyahuk dio Rafah inbadituko dutela su-eten akordioa "egon zein ez egon”
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
2024-04-30
Zigor Olabarria Oleaga
Netanyahuk dio Rafah inbadituko dutela su-eten akordioa "egon zein ez egon”
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
2024-04-30
ARGIA
Hil egin da Artzentalesen zauritu zen basogintzako langilea
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
2024-04-30
ARGIA
Eneko Bidegainen 'Bichta éder' eleberriak jaso du 111 Akademiaren Saria
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.
Eguneraketa berriak daude