Hasier Etxeberria: «Guggenheim-en bezero edo klientela naturala gara»


1993ko uztailaren 11n
Hasier Etxeberria ETBko aurkezleari elkarrizketa
Hasier Etxeberria: «Guggenheim-en bezero edo klientela naturala gara»
Pertsonaia gutxi izango dira Hasier izena hatxez idazten dutenak; berau hoietariko bat. Elgoibartar aries hau _baina tauro aszendentearekin_, burugogorra izateaz gain, Psikologian lizentziatua dugu. Zaletasunen artean, arrantza, artelanak egitea, batipat pintura eta formen inguruan; baina hori bai, lagunen aterbe bikaina alde batera utzi gabe. Uda partean, asteartero, «Beti eskamak kentzen» azalduko zaigu eta gaurkoan, telebistako kultur eremuko gaietatik apur bat atera, eta beste gai batzuen inguruan solasean jardun gara.
ARGIA. Azal iezaiguzu hitz gutxitan, «Beti eskamak kentzen»en bigarren leihoratze hau.
HASIER ETXEBERRIA. Batetik telebistarako programa eroso bat da. Honekin batera, helburuen alorra jorratuz, mundu honetan den-denetik dagoela erakusten da. Emanaldietan gai bat aitzakia bezala hartuko dugu eta berau ilustratzeko, hiru gonbidatu izango ditugu. Elkarrizketa horien artean, sei euskal idazleren testuek hornitutako bideo emanaldi batzuk ere ezagutaraziko ditugu. Hau da, literaturtasun bat emateko asmoz.
A. Beste alor batzuk landuz, ikusten ahal duzu zure burua kirol saio bat aurkezten?
H.E. Inolaz ere ez. Profesionaltasunez hartzen bada, egingo nuke, baina etxe honetan bada lan hori ongi egiten duenik.
A. Guggenheim eta Kultur Kezka bateraezinak al dira?
H.E. Berez ez. Nolabait eremu berdineko gertaerak dira. Guggenheim-ek, taldeari bide batez, berak dakarren adjetiboa jarri dio; kezka. Kultur Kezka, Guggenheim-en bezero edo klientela naturala gara.
A. Zein duzu gogokoago, Txirrita ala Garcia Lorca?
H.E. Nire barruan dauden bi itsaso ezberdin harrotzen dizkidate. Ezberdinak dira, baina bakoitza bere eremuan oso ona da.
A. Zein pertsonaia elkarrizketatzea gustatuko litzaizuke?
H.E. Jende asko. Adibidez, Agustin Garcia Calvo bat, edo Felix Azua, krisi egoerari buruz, argibideren bat emango ligukeen norbait.
A. Kandinskyren kolore alaiak, Rubensen emakume «bikainak» edo Zurbaran _en bodegoiak.
H.E. Laugarren bat gehituko dut. Pintura eta eskulturan jarduten den Kieffer alemaniarra.
A. Oteiza zure aurrean egongo balitz, zer esango zenioke?
H.E. Gaur egun, berak Guggenheim_en aurrean hartzen duen planteamentu biolentoa, nik neuk ezin dudala hartu.
A. Egingo dituzun solasaldi mordoaren ondoren, eskamarik geldituko al zaizu beste saio bat egiteko?
H.E. Beti dago non ikasi eta zertaz hitz egina. Jende interesgarria nonnahi baitago, beraz...
Jon Odriozola
63

GaiezKomunikabidTelebistaETBSaioak
GaiezKomunikabidTelebistaETBAurkezleak
PertsonaiazETXEBERRI14
EgileezODRIOZOLA3Komunikabid

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude