Paul Urkijoren ‘Gaua’ hurrengo filmaren soinu bandaren grabaketan parte hartu du Aiaraldeko Iaiaiai taldeak
Irrintzi eta performance taldeak aste honetan egin ditu grabaketak Paul Urkijoren eta Mursegoren eta Aran Callejaren gidaritzapean, eta beste artista batzuekin elkarlanean, Ibon RG-rekin besteak beste. Sitgeseko zinema jaialdian estreinatuko dute pelikula, urrian.
Paul Urkijo Gaua filmaren sorkuntzaren azken txanpan dago. Izan ere, urrian proiektatuko dute Sitgeseko fantasiazko zinema jaialdian, munduko ezagunenean, alegia. Bidaia horretan Aiaraldeko Iaiaiai irrintzi performance taldeak bere alea jarri du eta aurreko astean Bilboko El Tigre estudioan egin du grabaketa pelikulako soinu bandan agertzeko.
Nerea Iglesias taldeko kideak azaldu dio Aiaraldea Komunikabideari oso esperientzia polita eta bizia izan dela. Lau orduz aritu ziren soinuak sortzen, irrintzitik harago. "Asko ikasi dugu, soinuak errepikatu behar genituen eta denbora tarteetara egokitu, gauza berriak egin ditugu", erantsi du laudioarrak.
Paul Urkijorekin ez ezik, Maite Arroitajauregi Aranburu 'Mursego', Aran Calleja eta Ibon RG musikariekin ere elkarlanean aritu ziren. Iglesiasek azpimarratu du, gainera, Paul Urkijok Iaiaiai-ko kideen iradokizunak entzun eta aintzat hartu zituela.
Zineman azaroan, Sitgesen urrian
Berez, Gaua azaroaren 14an helduko da zinema aretoetara, baina aurretik luxuzko aurkezpena izango du Sitgeseko fantasiazko zinema jaialdian urrian. Genero horretako zaleek ondo baino hobeto dakite festibal hori munduko ezagunena dela.
Iaiaiai taldeko kideen ametsetako bat da Sitgesera bertaratzea, baina oraindik denbora nahiko falta da horretarako. Dena den, Iaiaiai taldeko kideak oso eskertuta daude Urkijok eman dien aukerarekin.
Eskarmentua zineman
Paul Urkijorekin egindako lana ez da, inondik inora, Aiaraldeko irrintzilariek egindako lehena. Hain zuzen, aurretik Erraiak proiektuaren aurkezpenean parte hartu dute, performance batekin. Amurrion aurkeztu dute aurten eta Orozkon ere egingo dute.
Hori gutxi balitz, Bulls in the water film laburrean ere ekarpena egin dute. Kris Kelly da bere egilea. Irlandarrak BAFTA sarien izendapena izan zuen 2013an Here to fall pelikulari esker.
Ixo eta bizi!
Gailu
Bidehuts, 2025
------------------------------------------------------------------------------------------------------
Aresti hilda dago. Eta bere oinordekotza baita ere. Gailuk argi du: “Harrizko herri zena / negar herri bihurtu da eta, / hala, iduri... [+]
Kontra
Ane Zubeldia Mangriñá
Susa, 2025
----------------------------------------------------------------------------------
Hatz-mamiekin jarraituta irakurtzeko azalerak bildu ditu Ane Zubeldia Magriñák bere lehen poema bilduman: ur gainak, zuhaitz... [+]
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
Zinemaldi Alternatiboaren amaierarekin batera antolatzaileek haien esker onak eta balorazioa plazaratu dituzte. 17. edizioa izan den honetan, azpimarratu dute zinema tresna gisa hartuta komunitatea ehuntzen aritu direla.
Euskal Herriko zazpi lurraldeetan barna, hamabost egunez segidan hamabost kontzertu antolatu ditu Musika Zuzenean proiektuak, 15 urte betetzen dituztelako. Areto txiki, taberna eta espazio autogestionatuetan izango dira. Anari, Niña Coyote eta Chico Tornado, Ezpalak eta... [+]
Azken urteetako euskal thrillerren maisutzat dute askok Koldo Almandoz (Donostia, 1973). 2020an kaleratu zuen Nerea Garcia (Nagore Aranburu) inspektorearen lehen telesaila, Hondar Ahoak, eta Ondarroan pasatakoek publikoa poltsikoratu zuten bizkor. Lehen zatitik bost urtera,... [+]
Duguna Iruñeko dantzariek Sanfermin Aldapakoaren ezpata-dantza karrikaratu dute beste behin Iruñeko alde zaharrean. Arrotxapeko zubian bandera dantzatu eta banderapetik ezpata-dantzariak pasa ondoren abiatu da kalean gora segizioa. Ezpata-dantzariak 40tik gora, 4... [+]
Die my love
Zuzendaria: Lynne Ramsay
Herrialdea: Kanada
Iraupena: 118 minutu
Estreinaldia: Azaroaren 21ean, zinemetan
Erditze osteko doluan dago Grace (Jennifer Lawrence), baina ez zaigu amaierara arte hitzez adieraziko. Kontakizun ero eta kaotikoa da, bere begiradatik... [+]
Iragan berria den Donostiako Zinemaldian euskarazko hiru lan eskaini dira prestigiozko Sail Ofizialean: Maspalomas, Karmele eta Zeru ahoak.
Festibala gutxi gorabehera erdira heldu zenean ohartu nintzen laugarren bat ere bazegoela euskal zinea labelarekin: Los domingos. Bilbon... [+]
