«Sindikatu batzuk eta gu eztabaida berean ez garela susmatzen dut»

1993ko ekainaren 06an

Iñaki Azkuna, Osasun kontseilariari elkarrizketa
«Sindikatu batzuk eta gu eztabaida berean ez garela susmatzen dut»
Iñaki Azkuna, Osasun kontseilaria:
ARGIA. Nola finantzatuko dira zuk osatutako «Osasuna Zainduz» planak proposatzen dituen berrikuntzak hazi ez den aurrekontu batekin?
IÑAKI AZKUNA. Beharrezkoa da argitzea aurrekontuek hazten jarraituko dutela, nahiz eta ez diren igoko azken urteotako erritmoan. Hain zuzen, «Osasuna Zainduz» bezalako plagintza egitera bultzatu gintuen motiboetariko bat izan zen, ugariak izan arren mugatuak diren mozkinekin, hazkorra den osasun-eskaerari erantzuteko beharra.
Hasteko, antolaketa-marko berriaren aplikapenak ez luke diru gehiago kostatu behar, baizik eta beste gauzen artean, daukagunaren errendimendu askoz handiagoa bilatu.
A. Sindikatuek gogor ekin dute zure plan estrategikoaren aurka Osakidetzaren pribatizazio progresiboa bultzatzen duela esanez.
I.A. Pribatizaziotik ezer ez du. Gainera, sindikatu guztiak ez dira aurka jarri. Batzuk, egin genituen proposamenen alde daude; ahaztu gabe gainera proposamen hauek oraindik ideiak besterik ez direla.
Bigarrenez, esango nuke badirela beste organizazio batzuk, hauek ere errespetagarriak, oraindik posizionatu ez direnak edota aldeko jarrera hartu dutenak. Medikuen eta Erizaintza Kolegio Ofizialei buruz ari naiz.
Bestalde, zuk aipatzen dituzun kritika sindikalak aspektu oso partzialetara eta gaiaren atalik garrantzitsuena ez diren etorkizunari buruzko gogoeta batzuetara mugatu dira. Edozein kasutan, harrigarria egiten da, ni pribatizatzailetzat salatzea, legealdi honetan Sail honen ekinbide garrantzitsuenetako bat Basurtoko Ospitala sare publikoan integratzea izan denean. Nik uste dut «pribatizatze» hitza, sistemaren eraginkortasun handiago baten bilaketarekin nahasten dutela, ez baita, nik dakidaneraino, plangintza honetan ezer pribatizatzeaz hitz egiten. Guztiz kontrakoa baizik, sistema publikoari kalitate eta herritarren osasun eskaerei erantzutea du helburu, kapazitate handiagoa emateko gai diren neurriak erabiltzea bultzatuz. Badirudi sindikatu batzuek nahiago dutela sistema monolitiko, bateragilea, gestiorako mekanismo egokirik gabea, beste gauza batzuen artean, gu gestore txartzat salatzeko balio diena. Taktika oso ezaguna da.
A. Zertan datza planean proposatzen duzun zentro eta profesionalen arteko konpetentziak?
I.A. Ongi egindako lana ahalegina eta lortutako kalitatea onartzean. Eginkizun profesionala intzentibatzean. Uste dugu konpetentzia akuilugarri ona dela gestoreak zein profesionalak gauzak hobeto egitera behartzeko. Orain daukagun sistemak hain zuzen, zeinaren bidez ospitale eta osasun-zentro guztiek aurrekontua ziurtaturik duten (urte bakoitzari dagokion igoera barnean), ez garamatza eraginkortasunaren bidetik. Bestalde, kategoriaka sailkatutako soldatek ere ez dirudi lana geroz eta hobeto egitera bultzatzen dutenik, langile ona desmotibatuz, zeinak, egiten duena egiten duelarik, gainontzekoek bezala irabazten baitu.
Horrenbestez, zentroak urtero bere aurrekontua eta profesionalak bere soldata igoeraren zati bat irabaztera behartuko dituen sistema bat proposatzen dugu, gainera, betidanik bere baitan itxita eta inkomunikaturik bizi izan diren kultura klinikoa eta gestio kultura hurbiltzera behartuz.
A. Azken inkesten arabera, EAEko biztanle gehienak Osakidetzaren eraldaketaren aldekoak dira. Hala ere, agente sozial batzuk ez dira gustura agertu plana ezagututakoan.
I.A. Egia da 1992ko Osasunaren Euskal Inkestaren emaitzek biztanleen zati handi batek osasun-sisteman aldaketa nahi duela erakusten dutela. Baina egia da, halaber, biztanlego horren zati handi bat bere funtzionamenduaz nahiko pozik agertzen dela. Eta gainera, gehiengo handi batek aldaketak aurrekonturik igo gabe egin daitezen nahi du. Suposatu behar da, bestalde, aldaketa hoberantz nahi dutela. Uste dugu «Osasuna zainduz»ek erantzuna emango diela eskaera horiei. Agente sozial batzuek plagintzari egindako errefusaketari dagokionean, uste dut motibo bat aldaketa orok sortzen duten beldurra izan daitekeela. Baina sindikatu horiek eta gu eztabaida berean ez garela susmatzen dut. Guk eraginkortasunaz eta kalitateaz hitz egiten dugu, eta bitartean beraiek pribatizatzeko ez dakit zer asmo ilun aipatzen dute.
Amagoia Iban
24,25

GaiezGizarteaOsasunaGaixotasunaOsasun zent
PertsonaiazAZKUNA1

Irakurrienak

Matomo erabiliz

Bizkaia: EAJren gotorlekua kolokan?

Jon Azkune Torres

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

Pribatura noa

Josune Azurmendi

Ezin da basakeriaren monumenturik mantendu!

Txema Landa Aizkorbe

PPk euskararen irakaskuntza presentziala ezabatu du Valentzian, EAEko hauteskunde kanpaina betean

El Salto | Raquel Andrés Durà

Azkenak

2024-04-21 | Asier Etxenike Ugarte

Araba: Zer isla elektoral izango du aldaketak?

2024-04-21 | Gorka Peñagarikano Goikoetxea

Apunte batzuk atarikoan

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

2024-04-21 | Iker Iraola Arretxe

Gipuzkoa: Biren arteko jokoa

2024-04-21 | Jon Azkune Torres

Bizkaia: EAJren gotorlekua kolokan?

Eguneraketa berriak daude