"Berehalakotasuna, produktibitatea eta kostu baxua" oinarri dituen egungo gizartean, bestelako proposamena luzatu du Garaion sorguneak: belaunaldiz belaunaldi, material naturalez eta mimoz egindako lanak goraipatu nahi dituzte, eta horretarako erakusketa paratu dute zuntz naturalekin lan egiten duten 12 artista emakumeren obrak bilduz.
Denboraren Harira du izena erakusketak eta azaroaren 9tik 25era izango da zabalik, Garaionen bertan (Arabako Ozaeta herrian). Zuntzaren erabilera anitzak argitara ematea eta "antzinatik emakume askok landare zuntzen bidez sortutako eguneroko tresna zein artelanak egiteko ohitura goraipatzea" dute helburu.
Artistek landare zuntzekin sortutako horma-irudiak, eskulturak, beirateak… aurkituko ditugu, baita latxa, merino edota alpaka artilearekin ehundutako artelanak ere. Kasu batzuetan tindagai naturalekin tindatuak, beste batzuetan artoaren ile eta zurtoinekin egindakoak. Zumea, artilea, feltroa, kotoia, lihoa, zeta, haria… ikusiko ditugu erakusketan.
"Denboraren balioa berreskuratu nahi dugu", diote antolatzaileek.
Dinagu kolektiboak Biziola kooperatibarekin elkarlanean antolatuta, Euskal Herriko emakume sortzaile eta ekoizle txikien Gabonetako azoka egingo da abenduaren 16an eta 17an Lazkaon. Larunbatean 31 sortzaile bilduko dira, eta igandean beste 30 desberdin.
Emakume Sortzaileak Plazara topaketen bigarren edizioa dute aurtengoa. Antzerkia, musika, olerkia ala beste, 25 artisten ezagutzeko aukera izango da Ozaetako Garaion sorgingunean.
Diziplina ugaritako lau proiekturi esleitu berri die beka, eta udazkenean erakutsiko dira publikoaren aurrean. Horrez gain, jakinarazi dute sormen egonaldiak antolatuko dituztela udazkenean.
Erronka jarri nahi izan dugu ARGIAtik: zenbateraino utzi diezaiokezu sormenari hegan egiten? Zenbateraino bihurritu dezakezu istorio bat eta bilakatu beldurgarria, barregarria, dramatikoa? Gauza al zara euskarak duen aberastasunari etekina atera, hitz-jolasei leku egin eta... [+]
Zirkuan eta dantzan trebatu da Maitane Azpiroz La Trapecionista dantzaria eta trapezista (Iruñea, 1982). Zamaren ideiatik tiraka Artxipielago obra sortzen ari zelarik, haurdun geratu eta beste kide bati pasa behar izan zion lekukoa. Orain ez du antzezlanean antzezten,... [+]