Euskal kulturaren transmisioa izango du ardatz, eta 23. Korrika kulturalean aurkeztuko dute diziplina eta artista ugari uztartuko dituen proiektua. Halere, emaitzan baino, bidean jarri dute fokua: hausnarketa artistiko kolektiborako sormen laborategi gisa aurkeztu dute #badon.
AEK-Korrikak 23.000 euroko beka emango dio #badon proiektuari, epaimahaiak “aho batez” hala erabaki baitu. Hamahiru egitasmo aurkeztu dira datorren Korrika Kulturaleko ekitaldi nagusi izateko lehia horretara, eta AEK-k azpimarratu du “oso maila onekoak” izan direla den-denak. Epaimahaikideen iritziz, #badon-ek irabazteko arrazoi nagusietako bat izan da proiektuak sorkuntza prozesuari emango dion garrantzia: “Diziplinarteko hausnarketa artistiko kolektiborako sormen laborategi bat proposatzen dute”.
Olatz Salvador eta Ines Osinaga artistek jaso dute beka asteazkenean, talde osoaren izenean, eta proiektuaren kolektibotasuna azpimarratu dute. Oinarrian euskal kulturaren transmisioa izango dute lanketagai, eta 23. Korrika Kulturalaren baitan aurkeztuko dute ikuskizuna, 2023ko azarotik 2024ko apirilera bitarte. Dena den, ordura arteko lanari garrantzia eman diote proiektuaren sustatzaileek. Badon.eus atarian zehaztu dute helburua dela galderak aurkitzea eta “itzalean geratu diren gorputzen ahotsak plazara ekartzea”: “Emaitza kontakizuna bera izango da, eta prozesua partekatzean sortuko diren narratiba berriak. Agian, gaurdaino eta gureganaino iritsi den hariari katebegiak falta zaizkiolako”.
Dinagu kolektiboak Biziola kooperatibarekin elkarlanean antolatuta, Euskal Herriko emakume sortzaile eta ekoizle txikien Gabonetako azoka egingo da abenduaren 16an eta 17an Lazkaon. Larunbatean 31 sortzaile bilduko dira, eta igandean beste 30 desberdin.
Emakume Sortzaileak Plazara topaketen bigarren edizioa dute aurtengoa. Antzerkia, musika, olerkia ala beste, 25 artisten ezagutzeko aukera izango da Ozaetako Garaion sorgingunean.
Diziplina ugaritako lau proiekturi esleitu berri die beka, eta udazkenean erakutsiko dira publikoaren aurrean. Horrez gain, jakinarazi dute sormen egonaldiak antolatuko dituztela udazkenean.
Erronka jarri nahi izan dugu ARGIAtik: zenbateraino utzi diezaiokezu sormenari hegan egiten? Zenbateraino bihurritu dezakezu istorio bat eta bilakatu beldurgarria, barregarria, dramatikoa? Gauza al zara euskarak duen aberastasunari etekina atera, hitz-jolasei leku egin eta... [+]
Zirkuan eta dantzan trebatu da Maitane Azpiroz La Trapecionista dantzaria eta trapezista (Iruñea, 1982). Zamaren ideiatik tiraka Artxipielago obra sortzen ari zelarik, haurdun geratu eta beste kide bati pasa behar izan zion lekukoa. Orain ez du antzezlanean antzezten,... [+]