34 emakume sortzailek haien lanak salgai izango dituzte Donostiako Egia auzoko azokan
Dinagu Emakume Sortzaileen Kolektiboa Donostiako Egia auzoan, Teila Fabrikan, izango da abenduaren 18an eta 19an. Kolektiboa emakume sortzaileen lanei ikusgaitasuna emateko sortu zen duela hiru urte.
Abenduaren 18an eta 19an goiz eta arratsaldez bisitatu ahal izango da Nomadak gaitun! azoka ibiltaria. Izan ere, oraingoan Egia auzoan egongo badira ere, emakume sortzaileon azoka ibiltaria da eta batetik bestera dabil.
Moda, bitxigintza, ilustrazioa, zeramika eta dekorazioa lantzen dituzte sortzaileok. Lau balioetan ardaztu dute proiektua: elkarlana eta ahizpatasuna, ahalduntzea, bertakoa eta bertan egina, eta euskara.
Egia auzoan laguntzaile izango dituzte Garraxi eta Koxko tabernak eta Egiako Festa Batzordea.
Dinagu kolektiboa duela hiru urte sortu zen eta gaur egun 34 emakume sortzaile biltzen ditu. Haien sormen lanak ikusgai izatea dute helburu eta horretarako elkarrekin indarrak batzea eraginkorragoa izango dela gogoetatu zuten. Haien lanak erakusten eta saltzen dituzte azokaz azoka. Beraien proiektuak honela definitu dituzte: pertsonalak, txikiak, jasangarriak eta bertakoak.
Istagramen eta facebook-en eskura daiteke informazio gehiago.
Dinagu kolektiboak Biziola kooperatibarekin elkarlanean antolatuta, Euskal Herriko emakume sortzaile eta ekoizle txikien Gabonetako azoka egingo da abenduaren 16an eta 17an Lazkaon. Larunbatean 31 sortzaile bilduko dira, eta igandean beste 30 desberdin.
Emakume Sortzaileak Plazara topaketen bigarren edizioa dute aurtengoa. Antzerkia, musika, olerkia ala beste, 25 artisten ezagutzeko aukera izango da Ozaetako Garaion sorgingunean.
Diziplina ugaritako lau proiekturi esleitu berri die beka, eta udazkenean erakutsiko dira publikoaren aurrean. Horrez gain, jakinarazi dute sormen egonaldiak antolatuko dituztela udazkenean.
Erronka jarri nahi izan dugu ARGIAtik: zenbateraino utzi diezaiokezu sormenari hegan egiten? Zenbateraino bihurritu dezakezu istorio bat eta bilakatu beldurgarria, barregarria, dramatikoa? Gauza al zara euskarak duen aberastasunari etekina atera, hitz-jolasei leku egin eta... [+]
Zirkuan eta dantzan trebatu da Maitane Azpiroz La Trapecionista dantzaria eta trapezista (Iruñea, 1982). Zamaren ideiatik tiraka Artxipielago obra sortzen ari zelarik, haurdun geratu eta beste kide bati pasa behar izan zion lekukoa. Orain ez du antzezlanean antzezten,... [+]