Erraustegiari lotutako ekimen garrantzitsu bat iragarriko dute gaur Zubietan

  • Agerraldi masiboa deitu du Zubietako herriak, herriko plazan. Hitzordua, ostegun honetan, irailak 5, arratsaldeko 19:00etan. Erraustegiari lotutako ekimen berri eta garrantzitsu bat iragarriko dute.

Artikulu hau CC BY-SA 3.0 lizentziari esker ekarri dugu.

2019ko irailaren 05an - 11:31

Hedabideok jaso berri dugu deialdia. Prentsaurreko masibo baterako deia ostegun honetarako (irailak 5) arratsaldeko 19:00etan Zubietako plazan. Hitzordua, Zubieta Lantzen Kultur eta Kirol Elkarteak eta zubietarrek egin dute. Eta oso garrantzitsutzat jo dute prentsaurreko masibo hau. Erraustegiari lotutako albiste bat plazaratuko dute.

"Ekimen berri eta garrantzitsu baten berri emango dugu", adierazi du Zubieta Lantzen Kultur eta Kirol Elkarteak ohar bidez. Hitzordu hau, ostegun honetan ezagutzera emango dutena, datorren astean izango da. "Jakinaraziko duguna datorren astean bertan izango da, eta nazioarteko jendea ere bertan izango da", iragarri dute. 

Osteguneko prentsaurreko masiborako ahalik eta zubietar gehien biltzeko prestasuna adierazi du Zubieta Lantzenek, hedabideei bertara agertzeko gonbita luzatzearekin batera.

Giza-katea igandean

Ostegunean zubietarrek iragarriko duten ekimenaren aurretik, gogoan izan, errausketaren aurkako giza-katea deitu du Errausketaren Aurkako Mugimenduak eragile anitzekin batera igande honetarako (irailak 8) 11:30etan Donostiako Kontxan. Urte luzez egin izan den mobilizazioa berezia izango da aurtengoan. "Ez dugu etsiko: planeta bizigarri baten alde gaude eta horregatik ezin dugu onartu erraustegia", zioten atzoko agerraldian.


Kanal honetatik interesatuko zaizu: Osasuna
2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


Behatokiaren hizkuntza urraketei buruzko 2023ko txostena
Hizkuntza muga eta urraketa berak hamar urtez

Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.


Amurrio, Okondo, Urduña eta Orozkoko Udalek ez dute parte hartuko Laudiok deitutako bileran Osakidetzaren egoera lantzeko, "desleialtasuna" leporatuta

EAJk eskualdean gobernatzen dituen tokiko erakunde guztiek iragarri dute ez dutela parte hartuko Laudioko Udalak deitutako bileran. Guztiek egotzi diote EH Bildu eta Omniako udal gobernu taldeari erakunde desleialtasuna erakustea, hedabideetan horren berri emateagatik, euren... [+]


Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


Eguneraketa berriak daude