ARGIA.eus

2022ko azaroaren 26a

Zubietako erraustegiaren inguruetako kutsaduraren orain arteko datuak aurkeztuko dituzte Hernanin

  • Azaroaren 19an goizerako hitzaldi berezia antolatu du Hernanin Zero Zabor elkarteak: Holandako ToxicoWatch fundazioak Zubietako erraustegiaren kutsaduraz 2021ean bildutako laginekin egin duen txostena oinarri hartuta, Errausketaren Aurkako Mugimenduko bi kidek datuak eta emaitzak aurkeztuko dituzte, "Zer dakigu Zubietako erraustegiaren kutsaduraz?" hitzaldian.

ARGIA @argia
2022ko azaroaren 16a - 09:46

ToxicoWatch fundazioak urteak daramatza Holandako Harlingen hiriko erraustegia kontrolatzeko lanean, Hernanin Zero Zabor elkarteak adierazi duenez, "erraustegiko arduradunek kontrolik gabe lagatako edo apropos ezkutatutako kutsadurak herritarrei azaltzeko". Holandan egin zuten ikerlana 2019an aurkeztu zuten Hernanin (hemen irakur daiteke garai hartan Pello Zubiriak ToxicoWatcheko ordezkariari egin zion elkarrizketa), eta geroztik, Errausketaren Aurkako Mugimenduak eta Zubieta Lantzen elkarteak eskatuta gauza bera egiten hasi ziren Zubietako erraustegiaren inguruan. Ikerketa hori finantzatzeko herritarren artean diru-bilketa egin zen eta hainbat udalek ere dirulaguntza eman zuten.

Zubietako erraustegia martxan jarri aurreko egoera eta egungoa aztertu ditu ToxicoWatchek

ToxicoWatchek lehenbizi erraustegia martxan jarri aurreko egoera analizatu zuen, horretarako aztertuz inguruko oilategietako arrautzak, erraustegi inguruko ura, errekako lohia, zenbait landare eta zuhaitzen hostoak, goroldioa eta abar. 2020an eta 2021ean berriro egin dute neurketa, bildutako lagin berriak laborategian analizatuta.

2021eko txostenak erakusten dituen datuak aurkeztuko ditu Errausketaren Aurkako Mugimenduko kide usurbildar batek, zeinak parte hartu duen laginen bilketan eta analisietan. "Datu kezkagarriak" direla aurreratu du Hernanin Zero Zabor elkarteak.

Hernanin Zero Zabor elkarteak antolatutako aurkezpen hau Biteri kultur etxean egingo da, azaroaren 19an (larunbata) goizeko 11:00etan.

 

Kanal hauetan artxibatua: Errausketarik ez  |  Osasuna  |  Kutsadura  |  Hernani  |  Usurbil

Errausketarik ez kanaletik interesatuko zaizu...
2021-12-21 | ARGIA
Errausketaren aurkako mozioa aurkeztu dute Bergarako Udalean eta elkarretaratzea egin dute

Abenduaren 20ko Bergarako Ohiko Udal Batzarrean mozioa aurkeztu dute bi herritarrek eta gaia eztabaidatu dute ondoren udaleko alderdi politikoek eta herritarrek. Mozio horrek laburtzen ditu Bergarako erraustegiaren auziko puntu nagusiak.


2021-11-24 | Leire Artola Arin
Bergarako erraustegi proiektuaren mahai-inguruak kezka handiagoa piztu du herritarrengan

Ekologistak Martxan taldeko ordezkariak Greene enpresari aurpegiratu dio “gezurretan” aritzea eta herritarrei “datuak ezkutatzea”; hondakinak pirolisi bidez tratatzearen kalteez ohartarazi du. Proiektuaren arduradunek, ordea, plantaren... [+]


2021-11-05 | ARGIA
Elkarretaratze jendetsua egin dute Bergaran erraustegi proiektuaren aurka

Ekologistak Martxan mugimenduak deituta elkarretaratzea egin dute Bergaran azaroaren 4 iluntzerako, herri horretan paper fabriketako hondakinak gasifikazioz tratatzeko eraiki nahi duten plantaren kontra. Talde hau izan da hondakin planta berri hori ere erraustegia dela seinalatu... [+]


2021-09-13 | ARGIA
Klima larrialdian jarri du fokua Erraustegiaren Aurkako Mugimenduak Donostian egindako protestan

Donostiako Kontxako badian giza katea egin dute irailaren 12an, estropada ospetsuen bigarren jardunaldia baliatuta. Zubietako erraustegiak klima aldaketa bultzatzen duela nabarmendu dute.


2021-03-25 | Txintxarri
Larunbateko 'Gipuzkoako erraustegira martxa' Lasarte-Oriako Okendo plazatik abiatuko da

Erraustegiaren Aurkako Mugimenduak ekitaldia antolatu du larunbat honetarako, martxoak 27: Zubietako erraustegira joatera animatu ditu herritarrak, Errausketarik ez, ez hiri hondakinak, ez industrialak lelopean protesta egitera.



Irakurrienak
Argia buletina
Egunaren laburpena
zure e-postan
Eguneraketa berriak daude