Zubietako errauskailuaren kontrako plataforma sortu dute Lasarte-Orian
Aire Garbiak ez du ontzat jotzen Foru Aldundiko arduradun berriek errauste plantaren proiektua berriro mahai gainean jarri nahi izatea. Azaroaren 21ean manifestazioa egingo dute herrian.
Lasarte-Oriako herritar talde batek Aire Garbia plataforma osatu du. Bere aurkezpenean Zubietako errauste plantaren proiektua berriro martxan jartzearen asmoak gure herrian sortzen duen ezinegona agertu zuen eta hurrengo asteetan egingo den sentsibilizazio kanpainako ekintzak azaldu zituzten plataformako kideek.
Zubietako erraustegiaren aurkako Aire Garbia plataforma aurkeztu zen atzo arratsaldean Manuel Lekuona kultur etxean.
Hainbat herritarrek osatutako plataforma da Aire Garbia. Herritar talde honek ez du ontzat jotzen Foru Aldundiko arduradun berriek errauste plantaren proiektua berriro mahai gainean jarri nahi izatea eta honen aurka lan egingo du.
Herritarren ezinegona azpimarratu zuten plataformako kideek aurkezpen agerraldian, “beste herri batzuetan nahi ez dutena ere ez dugu nahi hemen”.
Diego Egizabal eta Maider Izagirreren ahotsean herritar batek idatzitako eskutitza irakurri zen agerraldian. Honetan, proiektuak sortzen dituen beldurrak azalarazi zituen plataformak.
Batez ere, proiektuaren bideragarritasuna bermatzeko “legezko” zer egingo ote duten galdetzen dute. ”Legezkoak izango da kutsadura indizea...Legezkoak izango dira, beraz, kutsadura horrek sortuko dituen gaixotasunak eta horien inzidentziak ere... eta tragedia gertatzen denean, legeak agintzen ziena bete dela esango dute, Aldundiak eta Aldundian proeiktuaren alde egin duten gizon-emakume horiek beraiek ez dutela erantzukizunik, dena legearen barruan egin zela, ezinezkoa zela natura kontrolatzea, ezin zela aurreikusi, tragedia saihestezina zela... inpunitatea ere legezkoa egingo dute”.
Hau dela eta, bi aukeraren artean hautatu behar delakoan da sortu berri den plataforma: aire zikinari aurre egiteko mozorroa eta Lore-errota. Taldeak argi utzi zuen bere hautua prentsaurrekoan, “argi bezain garbia da, eman Lore-errota! Zubietako erraustegirik ez!”
Sentsibilizazio kanpaina
Plataformako kideek herritarrek haiekin bat egin dezaten sentsibilizazio kanpaina bat iragarri dute hurrengo asteetarako. “Batu zure ahotsa gurekin Aire Garbia ekimenean. Ozen esan dezagun kezkaktuta gaudela eta ez dugula legezko egin nahi herritarrontzat arrisku egoera bat”, adierazi zuten.
Azaroaren 21ean manifestazioa egingo dute
Oraingoz bi ekintza eman dituzte jakitera. Batetik, Lasarte-Oriak Udalean mozio bat aurkeztuko dute, non errauste plantaren proiektua bertan behera uztea eskatzen zaion Foru Aldundi, Mankomunitate eta Gipuzkoako Hondakinen Partzuergoari.
Bestetik, azaroaren 21ean manifestazioa egingo dute herrian.
Oharra: Albiste hau lizentzia libreeri esker ekarri dugu hona, originala Txintxarri.eus-en webgunean.
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.