Armiarma Kooperatiba sortu dute eta honek Ziordiako komentu zaharra eta bere lurrak erosi ditu. "Ez dugu banku-hipotekarik behar izan, baina erosketaren ia bi heren interesik gabeko mailegu pertsonalei esker ordaindu dira, eta datozen hamar urteetan itzuliko ditugula hitzeman dugu" adierazi dute. Amarauna espazioari erabilera aldatu nahi diote legalki: egoitza erlijioso izatetik aterpetxe izatera pasa nahi dute eta horretarako izapideak hasi dituzte Ziordiako Udalarekin.
Horrela adierazi du Amiarma Kooperatibak Ziordiako komentuaren erosketaren helburua: "Amarauna proiektua denboran mantentzea, hau da, herri mugimenduari eskaintzen zaion espazio bat mantentzea, bertan egiten diren ekintza guztiak babestuz: barne-bilerak, elkarguneak, topaketak eta abar". Horrez gain, bizikidetza kolektiboa garatu nahi dute: "Badugu lekua, baita gogoa ere, eta irekiak gaude zu ere nahi izanez gero, honen parte izateko!" haiekin harremanetan jartzera dei egin diete bertan bizitzera animatzen direnei.
Urteetako prozesua izan dela azaldu dute, eta eragile hauek izan dituzte bidelagun: Xabier Barinagaren aholkularitza, Eneko Garrido web gunearekin, HiritikAt arkitektoak, KoopFabrika, Sakanako Garapen Agentzia, herri mugimenduko kolektibo anitzak, proiektua babesten duten bazkideak, ekarpen ekonomikoak egin dituztenak, mailegu pertsonalak egin dituztenak "eta nola ez, armiarma sarea ehuntzen buru belarri dabiltzan armiarmatxoak".
Xabier Letonak sakon azaldua du Amarauna proiektua erreportaje honetan.
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Andre zahar dotorea senarraren besotik zihoan gurutzatu ginenean. Bistaz ezaguna, oker samar zegoela ikusi nuen, adinaren ajeak. Benetako señora eibartarra: perlazko lepokoa; ilea kardatuta harro-harro, ostirala izanda, ile-apaindegian goizean egon zela ezagun zuen. Gure... [+]
Jende askorekin eta elkarrizketaz inguratuta dagoenean isil-isilik edo ohi baino isilago egoten da Irati Erauskin (Hondarribia, Gipuzkoa, 1996). Horregatik, “oso irekia” den arren lotsatia dela uste dute batzuek. Entzumen urritasuna dauka, eta batzuetan “oso... [+]
Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]