Zergak biltzeko erakundea sortu du Generalitateak

  • Kataluniako Zerga Agentzia aurkeztu du astelehen honetan Kataluniako Gobernuak. Horrela, urriaren 1aren erreferendumean katalanek independentziaren aldeko botoa ematen badute, independentzia aldarrikatzean zergak bildu ahal izango ditu Kataluniako Gobernuak.


2017ko irailaren 04an - 12:19
Generalitatea dagoeneko prest da 42.000 milioi euro biltzeko zergetan. (Arg.: Vilaweb)

Oriol Junqueras Gobernuko lehendakariordeak, Carles Puigdemont lehendakariak eta Lluis Salvado ogasun idazkariak aurkeztu dute erakunde berria. Printzipioz, Estatu espainiarrak bilduko ez lituzkeen zergak batzeko prestatu dute eta, agintarien esanetan, 42.000 milioi euro biltzeko prest dago. Erakunde berriak 19 egoitza irekiko ditu eta 800 pertsona arituko dira lanean bertan.

Junqueras lehendakariordearen esanetan, erakundea munduan diren gisa horretako modernoenen parekoa da, "herritarrek aurrekonturik egokienak izatea nahi dugulako". Egindako azterketen arabera 400 milioiko iruzur fiskala dagoela ikusi dute eta hori borrokatzea izango da agentziaren helburu garrantzitsuenetakoa.

Puigdemont lehendakariak azpimarratu du kosta egin zaiela erakunde berria abiaraztea; esan du oztopo asko jarri dizkietelako bidean, espainiar agintariei erreferentzia eginez, baina erakundeak berme guztiak dituela eta herritarrei, erabateko lasaitasuna eta konfiantza izateko eskatu die.

Espainiako Gobernuak luzatutako mehatxu ugarien artean garrantzitsuenetakoa izaten da diru iturriaren itxiera, gaur egun Madrilek kudeatzen baititu katalanen zergak. Zerga biltzeko erakundearen sorrerarekin erantzun dio gaur Generalitateak Espainiako Gobernuari.


Kanal honetatik interesatuko zaizu: Kataluniako erreferenduma
Ponsati ez da agertu Auzitegi Gorenean zeukan hitzordura

Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.


2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


2022-08-31 | ARGIA
Kataluniako buruzagi independentisten eskubideak urratu zituen Espainiako Estatuak, NBEren arabera

Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


Eguneraketa berriak daude