Zeresan handia ematen ari da Gasteizko udaltzainen arretazko greba

  • Arau-hauste guztiak, txikienak ere, zigortzen ari dira Gasteizko udaltzainak. Lan-hitzarmena eta agente gehiago eskatzeko hasi dira protesta egiten.

Arabako Alea @ArabakoALEA
2017ko azaroaren 10a
Magdalena kalean txirrindulari bati jarritako 500 euroko isuna.

Gasteizko udaltzainek urriaren 31n lana zorrotz egiteko greba hasi zutela zabaldu dute hainbat hedabidek. Egia da azken egunetan ohikoak diren baino isun gehiago jarri dituztela. Auto-gidarien eta moto-gidarien portaera desegokiak ez ezik, txirrindularienak eta oinezkoenak ere zorrotz begiratzen ari dira, eta, urraketaren bat atzemanez gero, txikiena izanda ere, zigortu egiten dute.

2006. urtetik lan hitzarmenik gabe lanean ari direla salatu dute udaltzainek, eta gainera, langile gehiago behar direla adierazi dute. Iragan astean iragarri zuten zerbitzuak modu boluntarioan indartzeari uko egingo diotela.

Zeresan handia ematen ari da Udaltzaingoaren jarrera herritarren artean, kaleetan eta sare sozialetan. Atzo gauean, esate baterako, Mercedes-Benz enpresako dozenaka langilek isunak aurkitu zituzten beren autoetan, gaizki aparkatzeagatik. Normalean toki horietan aparkatzea onartzen dute udaltzainek. Bestalde, zenbait oinezkok salatu dute semaforo gorria dagoenean kalea zeharkatzeagatik zigortu dituztela.

Gasteizko Udalak, oraingoz, ez du horren inguruko baloraziorik egin, eta esan du udaltzainek ez dutela greba deitzeko jakinarazpen ofizialik egin. Udal gobernuaren jarrera kritikatu du PPk, eta udaltzainak "botata" daudela adierazi du. Bestalde, Martin Gartziandia Gasteizko sindikoak proposatu du jarritako isunak ez tramitatzea, Udaltzaingoaren arretazko greba dagoela egiaztatzen baldin bada. Halaber, isunak errekurritzeko deia egin du.

Albiste hau Arabako Aleak argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Gasteiz

Gasteiz kanaletik interesatuko zaizu...
2018-09-25 | ARGIA
250 eragile eta pertsona ezagunek OkupaTU Gasteiz Eguna babestu eta Udalaren "zentsura" salatu dute

Fermin Muguruza, Gorka Aginagalde, Irantzu Lekue, Bernardo Atxaga, Toti Martinez de Lezea, Juanito Oiarzabal, Blanca Urgell eta Green Valley dira, batzuk aipatzearren, datorren urriaren 6an egingo duten OkupaTU Gasteiz Eguna babestu duten pertsona ezagunetako batzuk. Jendea gonbidatu dute egunean parte hartzera eta Hala Bedik, Gasteizko Gaztetxeak, Auzolana Pilotalekuak eta Errekaleorrek eskainitako agertokia eskertzeaz gain, Udalaren debekua "zentsura" gisa definitu dute.


2018-09-24 | ARGIA
"Biktimekiko artikulu iraingarria" argitaratzeagatik 1.243 euroko isuna jaso du Judimendiko Auzo Elkarteak

Elkarteak 1.243 euro itzuli beharko dizkio Gasteizko Udalari astelehen honetan udalak erabaki duenez, elkarteak bere aldizkarian auzoko hiru presori buruzko artikulua argitaratzeagatik, eta udalaren esanetan “terrorismoaren biktimentzat iraingarria" zelako.


Okupatu Gasteiz Egunaren antolatzaileek: "Ukatzeko arrazoi bakarra izena da".

Okupatu Gasteizeko kideek Okupatu Gasteiz Egunera gerturatzeko deia mantendu dute, debekua “zentsura politikotzat” jo eta Gasteizko Udalaren jarrera salatu dute.


2018-09-20 | ARGIA
Falangeak Hala Bediri egindako mehatxuak "adierazpen askatasun" ekintzatzat jo ditu auzitegi batek

Hilabeteetako jazarpenaren ostean, Falange Vasconavarraren sare sozialetako kontua salatu zuen Hala Bedik. Gasteizko laugarren instrukzio-epaitegiak emandako erantzunaren arabera, mehatxuok ez dituzte “adierazpen askatasunaren mugak gainditzen”.


2018-09-19 | ARGIA
OkupaTU Gasteiz Eguna debekatu du Gasteizko Udalak

“Zentsura politikoa” salatu dute OkupaTU Gasteiz Eguneko antolatzaileek, jaiaren plangintza tekniko guztia behar bezala zegoela eta baimenak iaztik onartuak zituztela arrazoituz. Gasteizko hainbat herri-eragileren urteurrenak aprobetxatuz, jai bateratua prest zuten urriaren 6rako Hala Bedi (35 urte), Gaztetxea (30 urte), Auzolana (10 urte) eta Errekaleorrek (5 urte). Hala Bedin jaso dutenez, datozen egunetan azalpen gehiago emango dituztela eta urriaren 6an OkupaTU Gasteiz Eguna... [+]


2018-09-18 | Arabako Alea
FCCrekin duen kontratua eteteko prozesua abiatuko du Gasteizko Udalak

Garbiketa enpresarekin adostu nahi du Urtaranek kontratuaren etetea.


2018-09-17 | Hala Bedi
'Errebeldiaren mapa' aldarrikatuko du Errekaleorrek bostgarren urteurrenean

5 urtez errebeldiaren mapan lemapean bostgarren urteurrena ospatuko dute errekaleortarrek irailaren 28an eta 29an. Astebete beranduago, urteurren bateratua: OkupaTU Gasteiz.


2018-09-14 | ARGIA
Anna Gabrielen Gasteizeko hitzaldia etetean giza eskubideak urratu zirela aitortu du Gasteizko epaitegi batek

Javier de Andres Espainiako Gobernuko EAEko ordezkariaren eskakizunez moztu zuten orduko hartan Kataluniako CUP alderdiko diputatua zen Anna Gabrielen hitzaldia. Epaitegiaren arabera, debeku horrekin biltzeko eta adierazteko eskubideak urratu ziren.


2018-09-11 | Arabako Alea
Olarizuko gurutze frankista kentzeko erabakia errespetatzeko eskatu diote Urtarani

Adostasunaren alde agertu da Mendiolako Kontzejua, "betiere herritarren erabakia errespetatuz".


Olarizuko gurutzea: oroimenaren muga lausoak adostu ezinean

Olarizuko gurutzeak izaera frankista ote duen ala ez; hortxe eztabaida. Gizarte zibileko hainbat eragilek sustatuta, Francoren erregimenak egitasmoari izaera aldatu zion. Mendiolako Kontzejuko kideentzat, ordea, harago doa kontua: administrazio txikien eskumenak zalantzan daudela uste dute.


Azkenak
EGILEA
Eguneraketa berriak daude