ARGIA.eus

2020ko urriaren 02a

Entzun Guardia Zibilak zentsuratu nahi duen Josetxu Piperrak & The River Rock Band taldearen abestia

  • O.V.N.I. (Objeto Verde Nada Inteligente, ‘Objektu Berde Batere Inteligentea’ euskaraz) izeneko abestia erretiratu du El Dromedario Records disketxeak, Guardia Zibilak abestiaren aurkako salaketa jarri ondoren.

ARGIA @argia
2019ko apirilaren 02a
Bideoklipeko irudia

Badira izaki batzuk katalogatzen ez dakidanak/ eta uniformatuta datoz, hiltzeko lizentziarekin/ segadak egiten dituzte eta binaka datoz/ Espainian bakarrik bizi dira, jainkoaren pare bizi direlako edo Beren super boterea naturaz gaindikoa da / tabernako liskar bat terrorismo bilakatzen dute, zentzuratu berri den abestiaren hitzak dira.

Abestia “iraingarria” iruditu zaie Espainiako segurtasun indarrei, eta epaiketara eraman dute. Barañaingo (Nafarroa) bake epaitegian egin dute  auzi saioa, eta disketxeak onartu egin du abestia erretiratu eta berau barnebiltzen duen diskaren salmenta etetea.

Josetxu Piperrak & The River Rock Band taldeko kideak ez dira auzitegira agertu, eta Guardia Zibilaren Justizia Elkarteak musikarien kontra salaketa jartzeko asmoa agertu du.

Salatutako abestiaren bideoklipa:

Preso politiko katalanak Madrilera eramatean, abestia jarri zuen guardia zibil batek furgonetan

Urtarrila amaieran preso politiko katalanak Lledonerseko espetxetik Madrilera eraman zituzten Guardia Zibilaren hainbat fugonetatan. Horietako baten barrutik, guardia zibil batek bideoa grabatu zuen espetxe kanpoan hainbat lagun presoekin elkartasunez protestan zeuden bitartean. Bideo hori azkar zabaldu zen sarean eta egun batzuetara bideoa grabatu zuen guardia zibila lanposturik gabe utzi zutela aldi baterako, Guardia Zibileko zuzendari nagusi Felix Azonek jakitera eman zuenez. Bada, orain zentsuratu nahi duten Juantxo Piperraken O.V.N.I abestia entzuten ari ziren Guardia Zibilaren furgoneta horretan.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Zentsura

Zentsura kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude