Ehunka pertsona batu dira Andra Mari Zuriaren plazatik abiatu den mobilizazioan. Amurrion ere kaleak hartu dituzte Aitor Zelaia eta Galder Barbadoren aurkako epaia salatzeko.
Aitor Zelaia eta Galder Barbado gazteen atxiloketatik bi urte bete direnean eman du Audientzia Nazionalak jakitera haien aurkako epaia: 4 urteko espetxe zigorra ezarri diete “armen eta munizioen gordailu” bat izatea egotzita. ANkerkeria STOP herri egitasmoak Gasteizko mobilizazioaren amaieran azaldu duenez errekurtsoa jarriko dute, eta “sententzia honekin, ez da ezer amaitzen. Orain arteko bideak jorratuko ditugu: izan errekurtso bidez eremu judizialean, izan elkartasun, babes eta salaketa bidez Euskal Herriko kaleetan”.
Prozesu guztian zehar aipatutakoa azpimarratu dute oraingo honetan ere, “konpromiso eta jardun politikoa izan dela, hain justu, salbuespenezko auzitegian epaitu dutena. Hortaz, konpromiso eta jardun politikoarekin soilik egingo diogu aurre”.
Gauzak horrela, prozedura eta epaiketa guztia “fartsa” bat izan dela salatu dute, “espainiar “justiziaren” izaera eta hau indarrean mantentzeko erabiltzen dituen "mekanismoak" agerian utziz. “Bide berriak irekiko ditugu kasu honen bidez, sektore desberdinetan mezu bat zabaltzeko, Audientzia nazionalaren zilegitasun eza euskal herritarrak epaitzen jarraitzeko, herri hau zigortzeari uzteko, ANkerkeriarekin amaitzeko”, gehitu dute.
Amaitzeko, “aurrera" jarraituko dutela jakinarazi dute, izan ere, “hemen ez da ezer amaitzen”. Aitor eta Galderrekiko babes mezuekin bukatu da Gasteizko mobilizazioa.
Epaia argitara eman eta hurrengo egunetan ugariak izan dira Euskal Herrian zehar egindako elkartasun ekimenak. Larunbat eguerdian herriz herri elkarreratzeak egin dira «Orain inoiz baino gehiago ANkerkeriari Stop» lemapean.
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]