Zein egitarau prestatu dute Herri Sanferminek astebururako?
Altsasuko gurasoek botako dute aurtengo Herri Sanferminetako txupinazoa. 100 ekimen baino gehiago prestatu dituzte, Errekoletaken eta O plazan: dantzak, olinpiadak, haurrentzako emankizunak...
Herri olinpiadak, dantzak, haurrentzako emanaldiak, herri kirolak, bertsopoteoa, haurrentzako tailerrak... Leporaino beteta dago, beste urte batez, Herri Sanferminak ekimenak prestaturiko egitaraua. Jaien hatsa, oihaneko dantza leloa erabiliko dute aurtengoan, Gaizka Azketa Herri Sanferminak ekimeneko kideak azaldu duenez: "Amazonas, hori omen da bizitza posible egiten duen munduaren birika. Eta gure Amazonas propioa, sanferminetan, Herri Sanferminak dira".
Iruñea "merkantzia hiri" bihurtu nahi duten horien aurrean, "salgai" ez dagoela aldarrikatu dute. "Ez kultura, ez lurra, ez hizkuntza, ez etxebizitza... ezta gorputzak ere". Horren aurrean, "autodefentsarako deia" zabaldu dute.
Jai herrikoiak, parte hartzaileak, ekologistak, kulturalak, feministak, anitzak, antikapitalistak eta euskaldunak. Horiek dira Herri Sanferminak ekimenaren baloreak eta aurten ere horietan "sakonduko" dute.
Sukaldea: bertakoa eta goxo-goxo
Uztailaren 7an, 8an, 9an eta 14an hamaiketakoak eskainiko dituzte; egunero, bazkariak eta pizzak, afalorduetan. Dena, "ekologikoa, bertakoa eta goxo-goxoa", Lucia Etxeberria ekimeneko kidearen hitzetan. Bazkari autogestionatuak egiteko materiala ere izanen da. Erreserbak egiteko 657997855 telefono zenbakia eta hsf.erreserbak@gmail.com helbidea prestatu dituzte.
Txandak, bete beharrean
"Auzolana da gure indarra eta, auzolanik gabe, ez da Herri Sanferminik", adierazi du Azketak eta 440 txanda betetzeko jendea behar dela azpimarratu. Betetzeke dauden txandak herrisanferminak.org webgunean ikus daiteke.
Egitaraua
100 ekimen baino gehiago antolatu dituzte. Kontzertuen artean: Koban, Anita Parker, Skabidean, The Guilty Brigade... Hemen ikus daiteke osorik:
Albiste hau Euskalerria Irratiak argitaratu du eta Creative Commons lizentziari esker ekarri dugu.
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.