Zarauzko Azken Portuko jai batzordeak salatu du Udalak ez duela txosnen kokalekuaz hitz egin nahi
“Nik ere buelta” kanpaina abiatu du Zarauzko Azken Portuko jai batzordeak, Udalak jai gunea Astazubi Plazara lekualdatzeko aukera azter dezan. Aurreko urtean Salberdingo aparkalekura –kanpoaldera– eraman zuten txosna gunea, norbanako batzuek Juan Luis Illarramendi (EH Bildu) alkate ohiari jarririko salaketa medio. Azaldu dutenez, Udalak ez du gaiaz hitz egiteko borondaterik.
Azken Portuko jai batzordeak Astazubi Plazara itzuli nahi du: “Hori da auzoak herriarekin duen lotura naturala, bertako etxeak baino are zaharragoak diren festetan murgiltzeko gonbitea egiten zaie herritarrei”. Batzordea prest azaldu da Astazubi Plazako baldintza berriak eztabaidatu eta finkatzeko.
“Festa ilegalak baimentzea”, leporatu zioten norbanakoek aurreko alkateari. Arartekora ere jo zuten, erakundeak auzian esku har zezan. Jai gunea lekualdatzea zen salaketa erretiratzeko baldintza, baina auziak epaitegietan jarraitzen du. 2015az geroztik Xabier Txurruka (EAJ) da Zarauzko alkatea.
Zarauzko Udalari gaiaz hitz egin dezan eskatzeko sinadura-bilketa abiatu dute. Azaldu dutenez, bi modutara eman daiteke sostengua: change.org bidez edo asteburuan herriko hainbat gunetan jarriko duten postuetan.
Udalaren jarrera deitoratu dute jai batzordeko kideek. Haien esanetan, epaiketa-prozesuak irauten duen bitartean alkateak ez die jai gunea Salberdingo aparkalekutik kanpo muntatzen utziko. Gogorarazi diote hots kutsadurari buruzko legearen babesa duela jai gunea Astazubi Plazara lekualdatzeko.
Egun handiaz gain, kultur egitarau zabala antolatu du Basaizea Elkarteak hilabete osorako.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
"Mugimendu Sozialista gure herriaren errealitate politiko eta sozialaren parte da, eta ideologia baztertzailerik ez duen beste edozein eragilek bezala, espazio zabaletan eta jai herrikoien antolaketan parte hartzeko eskubidea dauka", adierazi dute oharrean. Makina bat... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
