Zaldibar kasuan herri-akusazio izatea galarazi diete Zaldibar Argituri eta Eskubide Sozialen Kartari
Zaldibar Argitu eta Euskal Herriko Eskubide Sozialen Kartak salatu dute abuztuaren 2an kanpo utzi dituztela Zaldibarko zabortegiko hondamendian ea langileen eskubideen alorrean deliturik izan den ebatziko duen epaiketatik.
Zaldibar Argitu eta Euskal Herriko Eskubide Sozialen Karta apirilaren 30ean langileen eskubideen aurkako deliturik izan zen erabakitzeko kasutik kanpo utzi zituzten, maiatzaren 11n errekurtsoa aurkeztu zuten eta abuztuko lehen astean berriro ere herri-akusazio paperetik kanpo utzi dituzte.
"Juridikoki, baina, ez dago nahikoa arrazoirik gu kanpoan uzteko", diote atera duten ohar bateratuan. Autoaren arabera, interes gehigarri berezia egiaztatu behar da, "baina hori ez dago legez horrela araututa", oharrean adierazi dutenez. "Delitu publiko baten aurrean gaude, eta herritar gisa herri-akusazio gisa aurkezteko eskubidea dugu", diote.
"Gertaera honen eta Zaldibarko zabortegian gertatutako gauza askoren atzean argitu gabeko gauza asko dago. Harreman eta interes ilunak Eusko Jaurlaritzaren eta enpresa pribatuaren artean, langileen eskubide eta segurtasun urraketak, ingurumenaren aurkako ekinbideak... eta gertatutakoaren aurrean inork ez du ardurarik hartzen; ez enpresak, ez Eusko Jaurlaritzak. Horregatik da ezinbestekoa akusazio popular indartsua izatea, eta horregatik utzi nahi gaituzte kanpoan, gertatu zena ez dutelako argitu nahi", idatzi dute.
Herri Akusazio gisa aurkeztuko zirela jakinarazi zutenean adieraz zuten “kalean erakutsitako kezka eta indarra epaitegietara eramateko garaia” zela eta erantzukizun “zehatzak” argitzea eskatuko zutela. Amaitu dute berretsiz bai Zaldibar Argitu eta Euskal Herriko Eskubide sozialen Karta osatzen duten mugimendu sozialek jarraituko dutela 2020ko otsaileko hondamendia argitzen saitzen.
2020ko otsailaren 6an azken 40 urtean Euskal Herrian izandako hondamenik larriena gertatu zen, Bizkaiko ekialdean dagoen Zaldibar herrian, Verter Recycling 2002 S.L. enpresaren zabortegian luizi batek bi langile eta AP-8 autobidea azpian harrapatu ostean. Hondakin artean amiantoa zegoela agertu zen eta hurrengo orduetan zabor multzoak sua hartu zuen inguruko herriak kutsatuz. Bi langile hil ziren, bietako bat ez da sekula agertu.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]