Zaballako espetxean hildako preso gaztearen gorpua jaso du familiak

  • Maleken gorpua Zaballako espetxean agertu eta hamabi egun geroago, familiak bere gorpua jaso du Aljerian. Traba burokratikoek markatutako prozesua izan da, senideek adierazi dutenaren arabera.


2023ko martxoaren 13an - 13:21
Azken eguneraketa: 14:44
Espetxeko heriotzak salatzeko Salhaketak egindako kontzentrazioa. Argazkia: Naiz.

Otsailaren 28an hil zen 22 urteko presoa Arabako Zaballa espetxean. Hamabi egun geroago, astelehenean, Maleken familiak bere gorpua jaso du Aljerian.

Joan den ostegunean, Zuriñe Rodríguezek, gaztearen lagunak, adierazi zuen gorpua Aljeriako bidean zegoela. Handik bi egunera, ordea, gorpua hegazkinean ez zegoela jakinarazi zuen. Azkenik, gorputza igandean iritsi zen. Baina familiak ez du astelehenera arte ikusteko aukerarik izan.

Maleken familiak prozesu judizialean agertzeko asmoa du, gertatutakoa ikertzeko eta espetxe-administrazioak, kasu honetan Lakuako Justizia Sailak, behar bezalako arretaz jokatu duen aztertzeko. Joan den astean administrazioaren jarrera gaitzetsi zuten familiarrek, eta azpimarratu zuten haiek izan zirela laguntza bila joan zirenak, eta ez alderantziz.

Are gehiago, erakundeen erantzuna salatu zuten Maleken gorpua erreklamatu zutenean: "Adin txikiko atzerritar ez lagundua zela eta familiarik ez duela esatera iritsi ziren". Halaber, jakinarazi zuen agintariek ez zutela Maleken pasaportea jaso. "Nola liteke erakundeek pertsona bat izatea haien zaintzan eta dokumentazioa galtzea?", galdetu zuten.

Familiarren arabera, kalez jantzitako poliziak beilatokian izan ziren, Maleken hezitzaile ohiak zirela itxura eginez: "Beilatokian zentro askotatik igarotako pertsona asko zegoen eta inork ez zituen ezagutzen hezitzaile horiek".


Kanal honetatik interesatuko zaizu: Gizartea
Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


Eguneraketa berriak daude