Yurii Sheliazhenko kontzientzi eragozlea libre utz dezala eskatzen diote Ukrainako Gobernuari

  • Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.


2023ko irailaren 21an - 11:54
Azken eguneraketa: 15:12

Ukrainako agintarien arabera, Sheliazhenkok Errusiaren erasoa justifikatzen du eta horregatik ireki dute bere aurkako auzia. Ukrainan eta Errusian desertoreen defentsa egiten duten erakundeen ustez, aldiz, hori ez da egia, hark eta bere mugimenduak beti utzi dutelako argi Errusiaren erasoaren aurkako posizioa. Erakundeon esanetan, agintariek haren aurka aurkeztu duten froga bakarra da Ukrainako Mugimendu Bakezaleko zuzendaritzakoa izatea.

Gerraren aurkako munduko hainbat elkarte bakezale ari dira Sheliazhenkoren alde kanpaina bideratzen, besteak beste Gerra Erresistenteen Internazionala mugimendua. Bere aburuz, Yuri Sheliazhenko kontzientzi presoa da, bere iritzi baketsuak modu baketsuan adierazteagatik bakarrik preso dagoena; Ukrainako agintariek berehala eta baldintzarik gabe aske utzi beharko lukete, eta era berean, bere kontrako salaketa guztiak kendu”.

Iruñean ere elkarretaratzea

Ostegun honetan Iruñean elkarretaratzea egingo dute Sarasate pasealekuan 19:30etan, gerra gelditzeko eta Yuri Sheliazhenkoren askatasuna eskatzeko.

Iazko martxoan, ARGIAk Democrazy Now-k Sheliazhenkori egindako honako elkarrizketa kaleratu zuen. Hartan salatzen zuen, hedabideek alde batera utzi dutela “indarkeriarik gabe gudaren aurka egiten ari garen erresistentzia”. Ohartarazten zuen, halaber, “Ekialdeko agintari autoritarioak” bezain arriskutsuak direla “Mendebaldean gudarekin negozioa egiten dutenak”.

 


Kanal honetatik interesatuko zaizu: Ukrainako gerra
Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


Babes gutxi jaso du NATOko tropak Ukrainara bidaltzeko Macronen planteamenduak

Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.


Zelenski: "Ukrainako 31.000 eta Errusiako 409.820 soldadu hil dira gerran”

Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.


Eguneraketa berriak daude