Larunbatean Xabier Lete musikari eta poetaren omenezko kantaldia egingo da Hondarribiko (Gipuzkoa) Bentan, gaueko 22:00etan hasita. Doako emanaldi horretan Txomin Artolak, Amaia Zubiriak, Xabier Euzkitzek, Pier Paul Berzaitzek eta Pettik parte hartuko dute, Karlos Gimenez, Joxan Goikoetxea, Xanet Arozena eta Luis Fernandez musikariek lagunduta. Irailean eta urrian Leteren omenezko beste hainbat kantaldi egingo dira: irailaren 23an Iruñeko Gayarren (sarrerak), 24an Baionan, urriaren 8an Bilboko Euskaldunan (sarrerak) eta 11n Urnietako kiroldegian (sarrerak). Emanaldi bakoitzean musikari desberdinak arituko dira kantuan.