ARGIA.eus

2021eko apirilaren 21a

Wuhanek bere biztanle guztiei testak egingo dizkie, berriz koronabirus kasu gutxi batzuk agertu ostean

  • Koronabirusa pairatzen lehena izan zen Txinako Wuhan hiriak agindu du hurrengo 10 egunetan bertako 11 milioi biztanleei testa egitea. Izan ere auzune batean sei kasu berri atzeman dituzte.

ARGIA @argia
2020ko maiatzaren 12a

The New York Times-en irakur daiteke albistea. Dagoeneko testa egina diete Wuhango hiritar askori lehendik ere. Izan ere, aurreko hilabetean lanera itzuli baino lehen, enpresari askok eskatu zuen beren langileei testak egitea. Baina sintomarik gabekoek beste agerpen bat eragin dezaketen beldur dira.

Maiatzaren 9an positibo eman zuen 89 urteko gizon batek, eta bera izan zen apirilaz geroztik atzemandako lehen kasu berri bakarra. Gaizki sentitzen hasi eta astebetera detektatu zuten. Maiatzaren 11n gizon horren inguruko beste bost kasu berri baieztatu dituzte: bere 81 urteko ezkontidea eta etxe berean bizi diren beste lau herritar. Bost kasu hauek guztiak asintomatikoak dira.

Txinako beste zonalde batzuetan ere beste agertze batzuk

Koronabirusaren agerpen berri gehiago ere izan da Txinan: ipar-ekialdean herrialdera sartzeko kontrolak zorroztu dituzte, Errusiatik datozen kideekin lotuta koronabirusa atzeman ostean. Maiatzaren 10ean, Jilin eskualdea "arrisku handian" zegoela iragarri zuten, kutsatutako 15 pertsona atzeman baitzituzten.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Covid-19 shockean adi  |  Txina

Covid-19 shockean adi kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude