Vox Nafarroako Parlamentutik kanpo geratu da ia, barne-desadostasunak direla eta
Maite Nosti diputatuak kargua utzi du alderdiarekin izandako desadostasunengatik, eta horrek kide bakar batekin utzi du alderdi faxista, talde mistoan sartzera behartuz.
Voxek Nafarroan duen parlamentu-taldea desagertzear dago, Maite Nosti diputatuak hura utzi eta esleitutako kargurik gabe geratzea erabaki ostean. Nafarroako Parlamentuaren arauen arabera, gutxienez bi kide behar dira talde parlamentario bat mantentzeko. Beraz, Nostiren irteerarekin, Voxen ordezkari bakarra, Emilio Jimenez, talde mistoan sartu beharko da.
Nostik "terrorismoaren biktimei" buruzko adierazpen instituzional baten alde bozkatu ondoren hartu zuen erabakia, jarrera horrek desadostasunak eragin baitzituen bere alderdiarekin. Voxek komunikatu baten bidez justifikatu du Nostiren irteera, eta esan du alderdiaren ildoaren aurka egin zuela diputatuak, "Nafarroan ETAren biktimak terrorismo jihadistaren biktima guztiekin edo beste edozein motatakoekin parekatzen dituen" testu bat babestu zuelako.
Bozeramaileen Batzordean aurkeztutako adierazpenak EH Bilduren abstentzioa izan zuen, eta horrek areagotu egin zituen barne-tentsioak Voxen. Ekonomia eta Ogasun Batzordean sartzea eskatu du Nostik, baina Parlamentuko Mahaiak bere eskaera onartzen duen ala ez erabaki beharko du. Gaur bilduko da Mahaia, Nostiren irteera formalizatzeko eta bere esleipen berria zehazteko. Aurreko karguak eta postuak galduko baditu ere, batzorde bateko kide izateko eskubidea aitortuko zaio.
Aldaketa horrek batzordeen osaera alda lezake, hamalau kide izatetik hamabost izatera igaroz, Ekonomia eta Ogasun Batzordearen kasuan. Bien bitartean, Voxek Nafarroako ganberan izango duen etorkizuna zalantzan geratu da; izan ere, talde parlamentario gisa duen estatusa eta erabakiak hartzeko orduan eragiteko gaitasuna galduko ditu alderdi faxistak.
Nafarroako Gobernuak Israelgo Estatuarekin edozein harreman hautsiko zituela iragarri ondoren, Osasun Sailak adierazi du ez dituela luzatuko Israelgo enpresen hiru farmakoren kontratuak.
Nafarroako Administrazio Publikoetako lanpostuak arautzen dituen 97/2024 Foru Dekretuaren bi artikulu utzi ditu bertan behera Nafarroako Auzitegi Gorenak. Argudiatu denez, euskararen balorazioari muga jartzen zioten, eta ingelesaren, frantsesaren eta alemanaren balorazioei ez.
Ikastetxean nolako jolastokia nahi duten gogoetatu eta proposatu dezakete Iruñeko Haur eta Lehen Hezkuntzako eskola publikoek. Horietako bi proiektu hautatu eta martxan jarriko ditu udalak datorren ikasturtean bertan, profesionalek lagunduta. Hainbat eskolak “ez du ez... [+]
Belateko tunelen adjudikazioan ez zela irregulartasunik egon esan du Nafarroako lehendakari Maria Chivitek. Espainiako Senatuan egin du agerraldia, Koldo auzia ikertzeko batzordean.
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
.jpg)
Nafarroako Gobernuan ondare historikoaz arduratzen den erakundea da Vianako Printzea, eta Iruñeko Udala haren zain zegoen birgaitze prozesuarekin aurrera jarraitzeko. Datozen asteetan, beraz, obrarako lehiaketa irekiko da.
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Joxe Lacalle Huarte da horietako bat, 1978an Guerrilleros de Cristo Rey taldeak bere tabernan egindako eraso baten biktima izan zen; 1979an lehergailu bat jarri zioten tabernan eta 1981ean Guardia Zibilak torturatu egin zuen. Gainerako bostak Espainiako Poliziak torturatu... [+]
Nafarroako Torturatuen Sareak eta Egiari Zor elkarteak ostegunean jakinarazi dutenez, Nafarroako Gobernuak “giza eskubideen urraketaren biktima” modura aitortu ditu sei herritar, 16/2019 Foru Legearen babesean.
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.