Vienako ‘Jabetza, hedabideak, publikoa’ konferentzian izango da ARGIA
Maiatzaren 12tik 14ra egingo dute Vienan Jabetza, hedabideak, publikoa konferentzia. Hainbat aditu arituko dira bertan, eta baita Europako zenbait hedabide ere, ARGIA, tartean, komunikazioa eta kazetaritza ikuspuntu ekonomiko eta politikotik aztertzeko.
Vienan, hedabideen jabetzaz eta funtzio publikoaz nazioarteko jardunaldia egingo dute Vienan maiatzaren 12tik 14ra Jabetza, hedabideak, publikoa goiburupean, Komunikazio Zientzia Kritikoen Sareak (https://krikowi.net/) antolatuta. ARGIAren ordezkaritza izango da han, antolatzaileek gonbidatuta.
Vienako Ekonomia eta Enpresaritza Unibertsitatean egingo da topaketa. Hitzaldiak, mahai-inguruak eta lantegiak egingo dituzte hiru egunez. Besteak beste, multinazionalen esku dauden plataformak erabiltzeak dakartzan kontraesanez, datuen jabetzaz, ezkerreko hedabideen eginbeharraz eta hedabideak esku gutxiren menpe geratzearen arriskuaz hausnartuko dute.
ARGIAko Lander Arbelaitzek "Hedabideen jabetza, kapitalismotik harago" mahai-inguruan hartuko du parte, Alemaniako Jacobin Magazine, Greziako The Press Project, Austriako Orange Radio eta Europa ekialdeko Baricada medioekin batera. Langileona den hedabide gisa gonbidatu dute ARGIA, gure esperientziaren berri eman eta jabetza eta harpidetza eredua azaltzeko.
Topaketan, hedabideen jabetzaz eta funtzioaz ahobizarrik gabe hitz egiteaz gain, Europako komunikazio proiektu independenteen artean sinergiak bilatzen saiatuko dira. Zeregin horretan ere ariko da Vienara joango den ARGIAren ordezkaritza.
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Kontatzen ez dena ez da existitzen. Oso barneratuta daukagu lelo hori, baita informazioa boterea dela eta eragiteko gaitasun handia duela ere. Are gehiago gerra edo gatazketan, batik bat oraindik tresna digitalak asko garatu gabe zeudenean, informazioa ez baitzegoen hain eskura... [+]
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
ARGIAk aspaldi du harremana Alemaniako Red.media hedabidearekin, beren bideo batzuk topatuko ditu irakurleak ARGIAren webgunean. Baina haien aurkako jazarpen kanpaina baten ondorioz proiektua ixtea erabaki dute. Red-eko kideek arrazoiak publikoki azaldu dituzte eta artikulu... [+]
Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.
2025ean Guatemalan gutxienez kazetari bat hil dute eta beste bat desagerrarazi. Arriskutsua da kazetaritza lana egitea herrialde horretan, eta hala jaso du Mugarik Gabeko Kazetariak erakundeak ere, maiatzaren 2an argitaratutako 2025eko Prentsa Askatasunaren Munduko Sailkapenean... [+]
Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.
"Eskatu txanda eta egingo dugu bat zurekin", esan dio estudioetatik ari den esatari prestu eta animatuak Bilboko kaleetan dabilen berriemaile gazteari. Aurkezlea entzuleei zuzendu zaie segituan. "Bien bitartean, Iruñera goaz...". Han zabaldu dute linea... [+]
Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero... [+]