Irailaren 19a izango da VI Benito Ansola sarian parte hartzeko azken eguna. Euskaltzaleen Topaguneak, Lekeitioko Udalak eta Euskal Zine Bilereak euskerazko ikus-entzunezkoak produziduteko atondutako lehiaketeak 18 eta 36 urte bitarteko gazteen film-proiektuak sustatzea dau helburu eta 3.000 euroko ordainsaria du. Lan irabazlea 2022ko Lekeitioko Euskal Zine Bileran estreinauko da jentaurrean.
Deialdi honetara diziplina ezbardinetako proiektuak aurkeztu daitekez (fikzinoa, sorkuntzea, animazinoa zein dokumentalak). Horretarako, sariaren oinarrietan agertzen diran baldintzak bete behar ditue lehiaketara aurkeztutako lanek.
Bego Vicario eta Estibaliz Urresola zinemagileak izango dira epaimahaikideak eta Lekeitioko 44. Euskal Zine Bilera jaialdia zarratzeko ekitaldian iragarriko da VI. Benito Ansola sariaren lan irabazlea. Irabazleak 10 hilabeteko epea izango dau ikus-entzunezko proiektua gauzatzeko.
Benito Ansola lehiaketeak Eusko Jaurlaritzako Gazteria eta Gizarte Ekintzarako Zuzendaritzearen babesa dau eta euskal kulturea zabaldu eta sortzaile gazteei euskerazko ikus-entzunezkoak produziduten laguntzea dau helburu.
Benito Ansola sariko zuzendari irabazleak
David Zabala, Paul Urkijo, Aitor Gametxo, Joseba Ubeguraga, Maider Fernandez, Maria Elorza eta Ruben Rosas izan dira aurreko edizinoetako saridunak eta askok bide oparoa egin dabe.
Benito Ansola sariei buruzko informazio guztia (Aurtengo oinarriak, aurreko edizinoak, aurreko edizinoetako irabazleak...) irudienea.topagunea.eus webgunean dozue.
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.
Apirilaren 8tik 11ra bitartean laburmetrai eta dokumental sorta emanen da, tartean Oskar Alegriaren 'Zinzindurrunkarratz' eta Goya sariaren irabazle 'To bird or not to bird'.
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]
Martxotik Frantziako Netflix plataforman euskarazko audio eta azpitituluetako filmak ikusgai dira.
Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]