Game of thrones ahalguztidunaren aroan, izan da ekoizpen xumerik telesailen munduan: garun-paralisi arina duen gazte gay baten benetako bizitza fikziora ekartzen duen Special da horietako bat. hamabost minutu eskaseko zortzi kapituluk osatzen dute lehenengo denboraldia eta hasperen batean ikusten dira, bi orduko filma bailitzan. Ryan O’Connell da sortzaile, zuzendari eta aktore nagusia, eta bere esperientzia pantailaratu du, baina sinopsia irakurrita bestelakorik dirudien arren, ez da istorio dramatikoa. Tonu ironikoa eta mingotsa dosi orekatuetan banatuz, amaren etxea utzi eta behingoz bere kabuz bizi nahi duen gaztearen nondik norakoak kontatzen dizkigu. Ez didaktiko, ez moralista, are gehiago, batzuetan fribolo samar, gogoetarako gai mamitsuak utzi dizkigu, aniztasun funtzionalaz, laguntasunaz, gorputz kanonez, maitatzeaz (baita norbere burua ere), estereotipoez, “atsegin dut” errazak bilatzen dituen egungo kazetaritzaz, zaintzaz… eta ama-semearen arteko –bi norabideko– menpekotasun harreman konplikatuaz. Aipatzekoa da Netflixek eman duela Special. Banatzaile handi eta gutxi batzuen esku dago, gero eta gehiago, telesail eta filmen produkzioa, baina beste artikulu baterako gaia da hori.
Special
Zuzendariak: Ryan O’Connell,
Anna Dokoza
Aktoreak: Ryan O’Connell, Jessica Hecht, Julie Cude-Eaton, Samantha Lee
AEB, 2019
Denboraldi bat, 8 kapitulu
Hamaika gaiez jardun daiteke katedradun arabarrarekin. Elkarrizketa honetan batez ere Euskal Herriko autogobernua, Katalunia eta hari egindako epaiketa, eta euskal presoen gaia jorratu ditugu. Bere ustez, Espainia nabarmen ari da egiten estatu autoritario baterantz.
Agorrilaren 25, 26 eta 27an G7aren goi-mailako bilera egingo dute Biarritzen. Nazioarteko politikan aditu Asier Blasek gailurraren nondik norakoak analizatu ditu. II. Mundu Gerran sorburu izan zuen egungo kapitalismo liberalaren kontrako protestak antolatu dituzte... [+]
2001ean euskal mendizaletasunean gertaturiko tragedia batetik abiatuta, munduko gailur handienak dauden lurretako herritarren sufrimendu eta esperantza ere erakusten digu Pumori, mendiaren alaba dokumentalak, himalaismoan askotan ezkutuan geratzen den hego aurpegia.
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]
