Migel Marmolen lehen jaiotza 1905eko uztailak 4 zituela gertatu zen, baina gertatuko ziren berriak. Hamaika eta bat. El Salvadorreko Alderdi Komunistaren sortzaile eta buruzagietako bat izana, 1932ko indigenen altxamenduan parte hartu zuen Miguelitok. Hainbatetan saiatu ziren hura hiltzen, fusilatu ere egin zuten, baina beti alferrik. Haren bizitza XX. mendeko El Salvadorren historiaren parte da.
Zortzi urteko lanaren fruitu da Dani Fanoren komiki mardul hau. Eduardo Galeanoren testuek piztu zuten txinparta, eta Roque Daltonen liburu batek segida eman. El Salvadorren bertan borobildu zuen Fanok liburua, Hitzaren eta Irudiaren Museoko arduradunekin elkarlanean. Baita dotoreziaz borobildu ere. Erritmo bizian egiten du aurrera kontakizunak, testuinguruaz jabetzeko beharrezko datu historikoekin, eleberri poliziako baten osagaiak tartekatuz. Bizitasunak testuei ere zor die. Gaztelaniazko bertsioan elkarrizketak El Salvadorreko hizkeran idatziak daude eta, euskarazkoan ere, Koldo Izagirrek ukitu berezia eman die; komikira ederto egokitzen den erregistroa erabili du. Neurrira egokitzen diren bezala arkatzez marrazturiko Fanoren irudiak. Oso adierazkorrak dira pertsonaiak, eta ederrak oihan eta herrietako paisaiak.
Migel Marmolen hamaika eta bat jaiotzak
Egilea: Dani Fano
Itzultzailea: Koldo Izagirre
Astiberri, 2018
208 orrialde
Hamaika gaiez jardun daiteke katedradun arabarrarekin. Elkarrizketa honetan batez ere Euskal Herriko autogobernua, Katalunia eta hari egindako epaiketa, eta euskal presoen gaia jorratu ditugu. Bere ustez, Espainia nabarmen ari da egiten estatu autoritario baterantz.
Agorrilaren 25, 26 eta 27an G7aren goi-mailako bilera egingo dute Biarritzen. Nazioarteko politikan aditu Asier Blasek gailurraren nondik norakoak analizatu ditu. II. Mundu Gerran sorburu izan zuen egungo kapitalismo liberalaren kontrako protestak antolatu dituzte... [+]
2001ean euskal mendizaletasunean gertaturiko tragedia batetik abiatuta, munduko gailur handienak dauden lurretako herritarren sufrimendu eta esperantza ere erakusten digu Pumori, mendiaren alaba dokumentalak, himalaismoan askotan ezkutuan geratzen den hego aurpegia.
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]
