Uskararen Eguna egingo dute Erronkarin eta euskara hizkuntza ibiltaria izan dela gogoratuko dute
Erronkaribarreko ehunka lagun biltzen duen urteroko zita ospatuko dute maiatzaren 20an Erronkariko herrian bertan. Uskararen Egunak 26. edizioa du aurtengoa, eta ibarreko herritarrak kohesionatzeko eta jendartea biziberritzeko ezinbesteko ekimena bihurtu da.
aurre egingo dieten hedabide independenteak
Erronkarin dena prest dute hamar egun barru ospatuko dute Uskararen Egunerako eta jadanik hasi dira motorrak berotzen. Asteburu honetan I. Pirinioetan Kantuz ekitaldia egingo dute, Aezkoa, Zaraitzu, Erronkari eta Nafarroako Pirinioetako kantuzale guztiak elkartuko dira herrian barrena kantuan aritzeko, euskaraz noski.
Baina hori atarikoa besterik ez da izango, maiatzaren 19an txikientzako ekitaldia antolatu dute Pirritx, Porrotx eta Marimototsekin, eta maiatzaren 20an egun handia izango da, Uskararen Eguna. Goizean goizetik herri olinpiadak egingo dituzte, eta Otsagabiko dantzariak arituko dira Irunberriko gaiteroekin; eguerdian lekuko aldaketa izango da eta herri bazkaria ere bai. Ondoren jolasak, musika, kontzertuak... eEgitarau zabala prestatu dute antolatzaileek.
Ibiltarien hizkuntza
Uztarrotzen 1997an hsi zenetik, urtero egin ohi da Uskararen Eguna Erronkaribarko herri batean, txandaka, Kebenko kultur elkarteak bultzatuta. Aurtengo edizioari Erronkari, uskararen ebiltari goiburua jarri diote.
"Erronkari, ezer baino lehen, ibiltarien herria izan da", gogoarazi dute Kebenkotik. Iparralderantz abiatzen ziren ainarak edo emakume espartingile migranteak, hegoalderantz transhumantzia egitera edo almadiekin egurra garraiatzera... "Xin-xoanean bizi den herria gara, eta modu batean, euskara ere horrela ibili da gurean eta gurekin, aurrera eta atzera" nabarmendu dute. Horregatik euskara "urratsez urrats euskararen etorkizuna marrazten" joan direnak izan dituzte gogoan aurtengoan.
Despopulazioa, euskara eta zonifikazioa
Halako ospakizunak garrantzitsuak dira, despopulazioak erasandako Nafarroako ibarretan, hizkuntzaren inguruan ere herritarrak kohesionatzeko.
Nafarroako Estatistika Institutuak (Nasnat) eman berri dituen datuen arabera foru lurraldeko herritarren %26,5ek euskararen ezagutzaren bat dauka, baina bi puntu baino ez du egin gora azken hamar urteetan.
Gainera, euskararen egoera oso desberdina da eskualdearen arabera. Euskararen Legeak ezarritako zonifikazioak eragin nabarmena du, eta eremu ez-euskaldunean eta mistoan galga jarri dio euskararen garapenari, Nasnaten ikerketak aditzera ematen duenez: "Herritarren jaioterriak eragina du euskararen ezagutzan", dio hitzez hitz txostenak.
Erronkaribarreko udalerriak eremu mistoan daude eta azken datu estatistikoen arabera, euskal hiztunen kopurua %18tik gorakoa da hango udalerri nagusietan, Izaban, Burgin eta Erronkarin.
Labaren itzulera ospatzeko festa antolatu dute egun osoan zehar. Broken Brothers Brass Band-en kalejirak Alde Zaharreko kaleak zeharkatu ditu Estafetaraino, ondoren lehiotik kantua izan da Amets Aranguren, Julen Goldarazena Flako, Idoia Tapia eta Oier Zuñigaren eskutik; eta... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.
Eraberrituta dator Laba. Egoitza handiagoak ostalaritza eskaintza zein kultur ekitaldiak baldintza hobeagoetan ematea ahalbidetuko du.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.