Uruguaiko parlamentuak gehiengo handiz onartu du asteazkenean ezkontza homosexuala ahalbidetzen duen legea.
Parlamentuko 92 diputatuetatik 71k legea onartzearen alde egin dute, eliza katoliko uruguaitarrak publikoki esan arren eskubide horren kontra dagoela. Uruguai Hegoamerikako bigarren herrialdea da (Argentinaren ostean) lege hau onartzen, nahiz Brasilgo zenbait eskualdetan ere onartua dagoen. Munduan 12 herrialdek baimentzen diete sexu bereko pertsonei ezkontzen.
Parlamentuak onartu duen testua Senatuak gehiengo handiz baietsia zuen aurreko astetik. Orain, estatuko presidente José Mugicari dagokio testua onartu edo ez erabakitzea, legea ezartzen hasi ahal izateko.
Botazioaren emaitzak ezagutaraztean poz handia zabaldu da parlamentuan, eta pertsona batzuk kanporatu behar izan dituzte egindako iskanbilarengatik. Homosexualen eskubideen aldeko Ovejas Negras kolektiboko ordezkari batek esan du lege honekin herrialdeak “gizarte justuago eta parekideagorako pauso handia” eman duela.
Lege berriak dioenez, ezkontzaren instituzioak “ezkontideen arteko batasuna esan nahi du, haien arteko genero identitatea edota orientazio sexuala edozein delarik ere. Ezkontza mota guztiei, orain arte Kode Zibilak zehaztutako lege eta eskubideak, baita desegitearenak ere, ezarri ahalko zaizkie”.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]