Palestinaren alde eta hango presoentzako dirua biltzeko topaleku izanen da Makea azaroaren 16an
Ibaitik itsasora Palestina libre lelopean antolatu dute 24 orduko egitaraua Ipar Euskal Herriko hainbat herritarrek. Palestinako preso politikoen laguntzen dabilen Addammer elkarteari bidaliko diote bildutako diru guzia. Bertaratzeko deia zabaldu dute larunbatean egindako prentsaurrekotik.
aurre egingo dieten hedabide independenteak
Palestinako gatazka lehen pertsonan bizi dutenak ekarrarazi nahi izan dituzte Makeara (Lapurdi), hain zuzen, palestinarren historia eta egunerokoa lehen pertsonatik bizi dutenen ahotik jasotzeko. Palestinarrez gain, Palestinaren alde antolaturiko judu antisionistak ere egonen dira. Hitzaldi zein tailer ezberdinak, izanen da zer entzuna Makean, azaroaren 16an. "Transmititutako informazioa, egoera hori [Palestinaren kolonizazioa eta palestinarren genozidioa] lehen pertsonan bizi dutenen ahotik egitea: bizipenetan eta borrokan oinarrituriko informazio gorpuztua, bitartekaririk gabe transmititua izan dadin", horra zer duten helburuen artean ekimena antolatzen arituriko herritarrek. Asmo horri tiraka, Euskal Herrian zein Frantziako Estatuan Palestinaren alde dabiltzan egituren informazio-gunea egonen da egun osoan zehar.
Goizarekin, Ibaitik itsasora palestina libre leloa hautaturik, erranaldi ezagun horretaz ariko dira hiru hizlari : Mays Qaisi erbesteratu palestinarra, Urgence Palestine mugimenduaren sortzaile Omar Alsoumi palestinar aktibista eta UJFP Bakearen aldeko Frantziako Batasun Judua kolektibo antisionistako kide Géraldine Hornberg. Palestinako laborantza suntsitzeko Israelen estrategiaz, estatu sionistaren armamenduaz, Palestinaren aldeko erresistentziaz zein Israelen pinkwashing politikaz, hainbat gai jorratuko dira ere tailer bidez –beti ere palestinar aktibista batzuekin eta formatu intimoagoan, ideia trukaketak errazteko asmoz–.
Diru guzia Palestinara
Gogoetaz gain, festa ere izanen da Makean, hainbat musika taldek joko dutelako gauean: Xiberoots, Mäirü, Spartak Dementziala eta Atzarbale Euskal Herritik, baita, palestinar diasporatik, musika tradizionala soinu modernoekin lotzen duen Ramzi Aburedwan & L’Ensemble Dal’Ouna taldea eta El far3i –Ingalaterran bizi den palestinar rap-folk kantaria, 47soul talde famatuko kantaria–.
Ahal bezain bat diru biltzea eta Palestinara zuzenki bidaltzea dute antolatzaileek helburu. Hori horrela, azaroaren 16an bilduko den sosa Zisjordanian eta Gazan dabilen Addameer elkarteari bidaliko zaio. Preso politikoen laguntzen dabil elkarte hori: juridikoki sostengatzeaz gain, jasaten dituzten eskubide urraketak dokumentatu, eta nazioartean ezagutarazten dabil.
Modu batez zein besteaz ekimenaren antolaketan lagundu duten guziak eskertu dituzte azaroaren 12an Makean egindako prentsaurrekoan: mozkinak kitorik eman dituzten laborariak, Euskal Herriko musika taldeak, grafista, afaria bermatzen ariko den Ibil Bilik krepa egilea, hizlariak zein artistak aterpetzeko haien etxeak utziko dituztenak ala beste. "Elkartasunez eta kitorik haien laguntza ekarri diguten guztiei esker laguntza handiagoa bideratzen ahalko dugu Palestinara", azaldu dute pozik. Azaroaren 16an lagundu nahi izanez gero laguntzaile.makea@protonmail.com helbidera idatzi daiteke.
Lapurdi, Baxenabarre eta Zuberoan Palestinaren alde dabiltzan kolektiboak elkarturik antolaturiko lehen ekimena da azaroaren 16koa. Zuberoko kolektiboa da zaharrena, 2012az geroztik dabilena Israelen kontrako boikot mezua zabaltzen; besteak iazko urriaren 7az geroztik antolatu dira, modu autonomoan.
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]
Irulegiko arnoaren sindikatuak antolaturik, Irulegiko arnoaren sormakaren besta ospatuko da buruilaren 14an, igandearekin, Irulegin. Mahastia, arnoa eta tokiko kultura uztartuz, egun osoan animazioak.
Orain Baionako merkatuko saltzaileek afitxa bidez jakinarazten dute euskaraz eta gaskoiz aritzeko prest direla. Baionako Herriko Etxeak duela bi urte abiatutako euskara plangintzaren ildotik ekintza abiatu du.
Basaizeak, Baztango Gazte Asanbladak, Baigorriko eta Erratzuko gazteek elkarlanean prestatu dituzte Izpegiko Bestak. Elkartasuna, memoria kolektiboa eta engaiamendu politikoa izanen dituzte ardatz.
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Bozketa arauei dagokionez hainbat aldaketa bideratu zituen maiatzaren 21ean bozkaturiko legediak. Bozkatzeko prozedura argiturik, abuztuaren 27an eman du hauteskundeen agendaren berri Frantziako Gobernuaren bozeramaileak.
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Iaz jasotakoarekin alderatuta, %15eko murrizketa jasango luke Euskal Kultur Erakundeak. Prentsa ohar batean, erakundeak adierazi du erabaki horrek "ondorio latzak" izango lituzkeela: esaterako, hainbat postu arriskuan egongo liratekeela eta kideei emandako dirulaguntza... [+]
Herriko Etxeak elikadura burujabetzaren aldeko urrats handia egingo du 380 metro koadroko azpiegitura berriarekin. Sukaldeak haur eta adinekoentzako janari osasungarria eskainiko du, tokiko produktuekin eta tokiko laborantza indartuko du.
IFOP institutuak eginiko ikerketa ezaguratarazi du Eskualde eta Herri Solidarioen Federazioak Korsikan, eta ondorioztatu dute Frantziako Estatuan biztanleen erdiak nahiko lukeela bere eskualdeak autonomia handiagoa izatea.
Martxan daude okzitanieran jatorria duen hizkuntza berpizteko hainbat ekimen. Ipar Euskal Herrian galzorian dagoen hizkuntza da gaskoia; aurreko mende hasieran galdu zen Hego Euskal Herrian.