Maiatzean Mocchi abeslari uruguaitarrak El frío que nos convoca [Batzen gaituen hotza], 2024 amaieran plazaratutako diskoa aurkeztu zuen Euskal Herrian, Abian Kultur Elkartean (Algorta, Getxo). "Eskerrak elkarrekin gauden" [Menos mal que estamos juntes] abestuz eman zion hasiera kontzertuari eta ia bi orduz nor den kontatu zigun bere abestien eta horien atzean dauden pasadizo eta istorioen bidez.